ചിങ്ങവനം: ജേസീസിന്റെ ആഭിമുഖ്യത്തിൽ വ്യത്യസ്ത മേഖലകളിൽ മികച്ച പ്രവർത്തനങ്ങൾ കാഴ്ച വയ്ക്കുന്ന വ്യക്തികൾക്ക് നൽകുന്ന ഔട്ട് സ്റ്റാൻഡിംങ് യങ് പഴ്‌സൺ (ഒവൈപി) അവാർഡ് ചാണ്ടി ഉമ്മൻ എംഎൽഎയ്ക്ക്. കഞ്ഞിക്കുഴി കോട്ടയം ക്ലബിൽ നടന്ന ചടങ്ങിൽ ജെസിഐ ദേശീയ അധ്യക്ഷൻ അഡ്വ.സി.ആർ രാകേഷ് ശർമ്മ അവാർഡ് വിതരണം ചെയ്തു. ജെസിഐ ചിങ്ങവനം പ്രസിഡന്റ് ആഷ്‌ലി തോമസ് കുളങ്ങര യോഗത്തിൽ അധ്യക്ഷത വഹിച്ചു. പരിശീലന രംഗത്ത് മികച്ച പ്രവർത്തനം കാഴ്ച വച്ച എ.പി തോമസിനെ ചടങ്ങിൽ ആദരിച്ചു. ജേസീസ് സോൺ പ്രസിഡന്റ് അഷറഫ് ഷെറീഫ്, വൈസ് പ്രസിഡന്റ് ശ്യാം മോഹൻ, ജെസിഐ മുൻ ഉപാധ്യക്ഷൻ ബിനോയ് കുര്യൻ, പ്രോഗ്രാം ഡയറക്ടർ ജോക്‌സി എബ്രഹാം, സെക്രട്ടറി റ്റെഡി ജോർജ് , ജെസിറ്റ് ചെയർപേഴ്‌സൺ നീനു സൂസൻ തോമസ് എന്നിവർ പ്രസംഗിച്ചു.
Advertisements
