വൈക്കം : എസ് എഫ് ഐ കോട്ടയം ജില്ലാ ജാഥ വൈക്കത്ത് നിന്ന് ആരംഭിച്ചു. മയക്കുമരുന്നിനെതിരെ, ദേശീയ വിദ്യാഭ്യാസ നയത്തിനെതിരെ , അരാഷ്ട്രീയതയ്ക്കും വർഗീയതയ്ക്കുമെതിരെ “ക്യാമ്പസുകളുടെ രാഷ്ട്രീയ ജാഗ്രത” എന്ന സന്ദേശം ഉയർത്തി നവംബർ അഞ്ച് മുതൽ 11 വരെയാണ് ജാഥ ജില്ലയിൽ പര്യടനം നടത്തുന്നത്. എസ്എഫ്ഐ കോട്ടയം ജില്ലാ സെക്രട്ടറി മെൽബിൻ ജോസഫ് ക്യാപ്റ്റനായും, സംസ്ഥാന കമ്മിറ്റി അംഗം വൈഷ്ണവി ഷാജി വൈസ് ക്യാപ്റ്റനായും, ജില്ലാ പ്രസിഡന്റ് ബി ആഷിക് മാനേജരായുമാണ് ജാഥ പര്യടനം.
ശനിയാഴ്ച വൈകിട്ട് വൈക്കം സത്യാഗ്രഹ സ്മാരക മന്ദിരത്തിൽ നടന്ന പൊതു സമ്മേളനത്തിൽ എസ്എഫ്ഐ സംസ്ഥാന ജോയിന്റ് സെക്രട്ടറി ജി ടി അഞ്ചു കൃഷ്ണ ജാഥ ഉദ്ഘാടനം ചെയ്തു. എസ് എഫ് ഐ വൈക്കം ഏരിയ പ്രസിഡന്റ് സിജുമോൻ ഷാജി അധ്യക്ഷനായി. ജില്ലാ പ്രസിഡന്റ് ബി ആഷിക്,സെക്രട്ടറി മെൽബിൻ ജോസഫ്,സംസ്ഥാന കമ്മിറ്റി അംഗങ്ങളായ വൈഷ്ണവി ഷാജി, പി ജെ സഞ്ജയ്‌, ജില്ലാ കമ്മിറ്റി അംഗം സി പി അഭിജിത്,സി പി ഐ എം വൈക്കം ഏരിയ സെക്രട്ടറി കെ അരുണൻ, ഏരിയ കമ്മിറ്റി അംഗം പി ശശിധരൻ എന്നിവർ സംസാരിച്ചു. വൈക്കം ഏരിയ സെക്രട്ടറി അർജുൻ മുരളി സ്വാഗതവും ജില്ലാ കമ്മിറ്റി അംഗം അലീന റെജി നന്ദിയും പറഞ്ഞു.
