കെഎം മാണിയുടെ ജന്മദിനം കാരുണ്യ ദിനമായി ആചരിച്ചു

തൊടുപുഴ: അന്തരിച്ച കേരള കോൺഗ്രസ് എം നേതാവും മുൻമന്ത്രിയുമായ കെഎം മാണിയുടെ 92 മത് ജന്മദിനം കേരള കോൺഗ്രസ്എം ആഭിമുഖ്യത്തിൽ സംസ്ഥാന വ്യാപകമായി കാരുണ്യ ദിനമായി ആചരിക്കുന്നതിൻ്റെ ഭാഗമായി തൊടുപുഴ നിയോജകമണ്ഡലം കമ്മിറ്റിയുടെ നേതൃത്വത്തിൽ വിവിധ പരിപാടികളോടെ ആഘോഷിച്ചു. നിയോജകമണ്ഡലം തല ഉദ്ഘാടനം ഉടുമ്പന്നൂർ ഗ്രാമപഞ്ചായത്തിലെ പാലിയേറ്റീവ് കെയർ രോഗികൾക്ക് വേണ്ടി വീൽചെയറുകൾ നൽകികൊണ്ട് നിയോജകമണ്ഡലം പ്രസിഡൻറ് ജിമ്മി മറ്റത്തിപാറ നിർവഹിച്ചു ഇടവെട്ടി മണ്ഡലത്തിൽ ശാസ്താംപാറ അംഗൻവാടിയിലെ കുട്ടികൾക്കായി പ്ലാസ്റ്റിക് കസേരകൾ വിതരണം ചെയ്തു, കുമാരമംഗലം പഞ്ചായത്തിൽ പാറ തലയ്ക്കൽ പാറ അംഗൻവാടിയിലെ കുട്ടികൾക്കായി വാൾഫാനും സിങ്കും വിതരണം ചെയ്തു. വണ്ണപ്പുറം പഞ്ചായത്തിൽ നാരങ്ങാനം അംഗൻവാടിയിൽ കുട്ടികൾക്കായി ഫർണിച്ചറുകൾ വിതരണം ചെയ്തു, തൊടുപുഴ ഈസ്റ്റ് മണ്ഡലം കമ്മിറ്റിയുടെ ആഭിമുഖ്യത്തിൽ ഇമ്മാനുവൽ ഓർഫനേജിൽ അന്തേവാസികൾക്കായി പുതുവസ്ത്രങ്ങളും ടിവിയും വിതരണം ചെയ്തു, മുട്ടം പഞ്ചായത്തിൽ അംഗൻവാടിയിലെ കുട്ടികൾക്കായി പാത്രങ്ങളും പഠനോപകരണങ്ങളും വിതരണം ചെയ്തു. കരിമണ്ണൂർ മണ്ഡലം കമ്മിറ്റിയുടെ ആഭിമുഖ്യത്തിൽ ചിലവ് മരിയ വികാസ് മന്ദിരത്തിലെ അന്തേവാസികൾക്ക് ഒപ്പം കാരുണ്യ ദിനം ആഘോഷിച്ചു. കരിങ്കുന്നം മണ്ഡലം കമ്മിറ്റിയുടെ ആഭിമുഖ്യത്തിൽ അംഗൻവാടിയിലേക്ക് ആവശ്യമായ ഉപകരണങ്ങളും അംഗൻവാടിയിലെ കുട്ടികളുടെ റൂം ടൈലിട്ട് നൽകുകയും ചെയ്തു. ആലക്കോട് മണ്ഡലം കമ്മിറ്റിയുടെ ആഭിമുഖ്യത്തിൽ തലയനാട് സേവിയേഴ്സ് ഹോമിലൂം കോടിക്കുളത്ത് കരുണാലയത്തിലുംഅന്തേവാസികളോടൊപ്പവും മണക്കാട് മണ്ഡലത്തിൽ ദീനദയ സേവാ ട്രസ്റ്റിന്റെ ഗോകുലം ബാലമന്ദിരത്തിലും തൊടുപുഴ വെസ്റ്റ് മണ്ഡലത്തിൻ്റെ ആഭിമുഖ്യത്തിൽ സേവിയേഴ്സ് ഹോമിലും കുട്ടികൾക്ക് പഠനോപകരണങ്ങൾ വിതരണം ചെയ്തു. . തൊടുപുഴ നിയോജകമണ്ഡലത്തിലെ 16 കേന്ദ്രങ്ങളിൽ ഇത്തരത്തിലുള്ള സേവന പ്രവർത്തനങ്ങൾ അതാത് മണ്ഡലം കമ്മിറ്റിയുടെ ആഭിമുഖ്യത്തിൽ സംഘടിപ്പിച്ചു.

വിവിധ കേന്ദ്രങ്ങളിൽ നടന്ന കാരുണ്യ ദിനാചരണ പരിപാടികൾപ്രൊഫ. കെ ഐ ആന്റണി, അഗസ്റ്റിൻ വട്ടക്കുന്നേൽ, റെജി കുന്നംകോട്ട്, ജയകൃഷ്ണൻ പുതിയടത്ത്, മാത്യു വാരികാട്ട്, ബെന്നി പ്ലാക്കൂട്ടം,അപ്പച്ചൻ ഓലിക്കാരോട്ട്, അഡ്വ. പി കെ മധു നമ്പൂതിരി, അംബിക ഗോപാലകൃഷ്ണൻ, റോയ്സൺ കുഴിഞ്ഞാലിൽ, അഡ്വ. കെവിൻ ജോർജ് തുടങ്ങിയവർ ഉത്ഘാടനം ചെയ്തു. ബാബു ചോള്ളാനി, തോമസ് വെളിയത്തുമാലി, ജോൺസ് നന്ദളത്ത് ജോസ് മഠത്തിനാൽ, ജിജി വാളിയംപ്ലാക്കൽ, ജോസ് മാറാട്ടിൽ, സണ്ണി കടുത്തലകുന്നേൽ, ലിപ്സൺ കൊന്നക്കൽ, തോമ്മാച്ചൻ മൈലാടൂർ, ഡോണി കട്ടക്കയം ജെഫിൻ കൊടുവേലിൽ തുടങ്ങിയവർ നേതൃത്വം നൽകി.