കൊച്ചി : കളമശേരിയിലെ ബസ് സ്റ്റോപ്പില്‍ വച്ച്‌ യുവതിക്ക് നേരെ നഗ്നതാ പ്രദര്‍ശനം നടത്തിയ യുവാവ് പിടിയില്‍. ആലപ്പുഴ ചേര്‍ത്തല സ്വദേശി പ്രവീണ്‍കുമാറാണ് അറസ്റ്റിലായത്. ഇന്നലെ വൈകിട്ട് കളമശേരി കുസാറ്റ് ബസ് സ്റ്റോപ്പില്‍ വച്ചാണ് കേസിനാസ്‌പദമായ സംഭവം നടന്നത്. കളമശേരയില്‍ താമസിക്കുന്ന യുവതി കൂട്ടുകാരിയെ ബസ് സ്റ്റോപ്പില്‍ കൊണ്ടുവിട്ട് മടങ്ങവെയാണ് ബസ് സ്റ്റോപ്പിലിരുന്ന യുവാവ് നഗ്നത പ്രദര്‍‌ശിപ്പിക്കുകയായിരുന്നു. ഭയന്നുപോയ യുവതി വേഗം തന്നെ വീട്ടിലേക്ക് മടങ്ങവെ യുവാവ് പിന്തുടര്‍ന്ന് വീണ്ടും നഗ്നത പ്രദര്‍ശനം തുടരുകയായിരുന്നു. യുവതി ബഹളം വച്ചപ്പോള്‍ നാട്ടുകാര്‍ യുവാവിനെ തടഞ്ഞുവച്ച്‌ പൊലീസിനെ വിവരമറിയിച്ചു. തുടര്‍ന്ന് കളമശേരി പൊലീസ് ഇൻസ്പെക്ടര്‍ വിപിൻ ദാസിന്റെ നേതൃത്വത്തില്‍ സി.പി.ഒ കൃഷ്ണരാജ്, ശരത്‌ലാല്‍, രതീഷ് എന്നിവര്‍ സംഭവസ്ഥലത്തെത്തി ഇയാളെ കസ്റ്റഡിയിലെടുത്തു. യുവാതിയുടെ പരാതിയില്‍ കേസെടുത്ത കളമശേരി പൊലീസ് ഇയാളുടെ അറസ്റ്റ് രേഖപ്പെടുത്തി. പ്രതിയെ കളമശേരി ജുഡിഷ്യല്‍ ഒന്നാംക്ലാസ് മജിസ്ട്രേറ്റ് കോടതിയില്‍ ഹാജരാക്കി.
