ഇരിട്ടി : വാഹന പരിശോധനക്കിടെ കാറിൽ കടത്തുകയായിരുന്ന പത്ത് ലക്ഷത്തോളം രൂപ വിലവരുന്ന മാരക ലഹരിമരുന്നായ എം.ഡി.എം.എ.യുമായി രണ്ടു പേർ അറസ്റ്റിൽ. ഇരിട്ടി നരയംമ്പാറ സ്വദേശി പി.കെ.സമീർ (39), ഉളിയിൽ സ്വദേശി എസ്.എം. ജസീർ (42) എന്നിവരെയാണ് കണ്ണൂർ റൂറൽ ജില്ലാ ലഹരി വിരുദ്ധ സ്ക്വാഡും ഇരിട്ടി പോലീസും സംയുക്തമായി പിടികൂടിയത്.
Advertisements
പ്രതികളിൽ നിന്ന് 300 ഗ്രാം എം.ഡി.എം.എ.പോലീസ് കണ്ടെടുത്തു. ഇന്ന് പുലർച്ചെ കൂട്ടുപുഴ ചെക്ക് പോസ്റ്റിന് സമീപം വെച്ചാണ് കെ.എൽ.58.ടി.1234 നമ്പർ കാറിൽ ബാംഗ്ലൂരിൽ നിന്നും കടത്തുകയായിരുന്ന മാരക ലഹരി മരുന്നായ എം.ഡി.എം.എ.യുമായി പ്രതികൾ അറസ്റ്റിലായത്.
