കേരള കോൺഗ്രസ് ജേക്കബ് ജില്ലാ നേതൃത്വ ക്യാമ്പ് മെയ് ആറിന് : അഡ്വ. അനൂപ് ജേക്കബ് എം.എൽ.എ ഉദ്ഘാടനം ചെയ്യും 

കോട്ടയം : കേരള കോൺഗ്രസ് ജേക്കബ് ജില്ലാ നേതൃത്വ ക്യാമ്പ് മെയ് ആറിന് നടക്കും. രാവിലെ പത്തിന് ഐ.എം.എ ഹാളിൽ അഡ്വ. അനൂപ് ജേക്കബ് എം.എൽ.എ ഉദ്ഘാടനം ചെയ്യും. ജില്ലാ പ്രസിഡന്റ് ടോമി ജോസഫ് വേദഗിരി അധ്യക്ഷത വഹിക്കും. പാർട്ടി ചെയർമാൻ വാക്കനാട് രാധാകൃഷ്ണൻ മുഖ്യപ്രഭാഷണം നടത്തും. പാർട്ടി സംസ്ഥാന ജനറൽ സെക്രട്ടറി അഡ്വ.പി.എസ് ജെയിംസ് സ്വാഗതം ആശംസിക്കും. സാമൂഹിക സാംസ്കാരിക പ്രവർത്തകൻ സി.ആർ നീലകണ്ഠൻ വിഷയാവതരണം നടത്തും. ഉച്ചയ്ക്ക് രണ്ടിന് നടക്കുന്ന ജില്ലാ പ്രതിനിധി സമ്മേളനം സംസ്ഥാന ജനറൽ സെക്രട്ടറി കെ.ആർ ഗിരിജൻ ഉദ്ഘാടനം ചെയ്യും. ജില്ലാ പ്രസിഡന്റ് ടോമി ജോസഫ് വേദഗിരി യോഗത്തിൽ അധ്യക്ഷത വഹിക്കും. സംസ്ഥാന ജനറൽ സെക്രട്ടറി കോശി തുണ്ടുപറമ്പിൽ മുഖ്യപ്രഭാഷണം നടത്തും. ജില്ലാ ജനറൽ സെക്രട്ടറി അഡ്വ. അനുപ് കങ്ങഴ ജില്ലാ റിപ്പോർട്ട് അവതരിപ്പിക്കും.