തിരുവനന്തപുരം: ഇത്തവണ കന്യാസ്ത്രീമഠങ്ങള്‍ക്കും എല്ലാ വിഭാഗത്തിലേയും സന്യാസിമാര്‍ താമസിക്കുന്നിടങ്ങളിലും സര്‍ക്കാര്‍ അംഗീകരിച്ച എല്ലാ ക്ഷേമ സ്ഥാപനങ്ങളിലും ഓണക്കിറ്റ് നല്‍കുമെന്ന് മന്ത്രി ജി.ആര്‍ അനില്‍ പത്രസമ്മേളനത്തില്‍ അറിയിച്ചു. നാലുപേര്‍ക്ക് ഒരു കിറ്റ് എന്ന നിരക്കില്‍ ക്ഷേമ സ്ഥാപനങ്ങളില്‍ കിറ്റ് നല്‍കും. താലൂക്ക് സപ്ലൈസ് ഓഫീസ് വഴി സ്ഥാപനങ്ങളില്‍ നേരിട്ട് ഈ വിഭാഗങ്ങള്‍ക്ക് കിറ്റ് എത്തിക്കും.
സംസ്ഥാനത്ത് 890 ക്ഷേമ സ്ഥാപനങ്ങളിലായി 37634 അന്തേവാസികളുണ്ട്. കേന്ദ്ര സര്‍ക്കാര്‍ സഹായത്തോടെ ക്ഷേമ സ്ഥാപനങ്ങളിലെ ഭക്ഷ്യവിതരണം പുന:സ്ഥാപിച്ചിട്ടുണ്ട്. സംസ്ഥാനത്തെ 119 ആദിവാസി ഊരുകളില്‍ പൊതുവിതരണ വകുപ്പ് ഉദ്യോഗസ്ഥര്‍ നേരിട്ടെത്തി വാതില്‍പ്പടിയായി ഭക്ഷ്യകിറ്റുകള്‍ എത്തിക്കുമെന്നും മന്ത്രി പറഞ്ഞു
