തുടർച്ചയായി റേഷൻ വാങ്ങാത്ത 54,764 കുടുംബങ്ങൾ പുറത്ത് 

തി​രുവനന്തപുരം ​.: മൂ​ന്നു​ മാ​സം തു​ട​ർ​ച്ച​യാ​യി റേഷൻ വാ​ങ്ങാ​ത്ത​തി​നെ തു​ട​ർ​ന്ന് 54,764 മു​ൻ​ഗ​ണ​നാ വി​ഭാ​ഗം കാ​ർ​ഡു​കാ​രെ നി​ല​വി​ലെ പ​ട്ടി​ക​യി​ൽ​ നി​ന്ന് ഒ​ഴി​വാ​ക്കി. എഎവൈ വി​ഭാ​ഗ​ത്തി​ൽ​ നി​ന്ന് 6248 പേ​രെ​യും മു​ൻ​ഗ​ണ​ന വി​ഭാ​ഗ​ത്തി​ൽ​നി​ന്ന് 48,516 കാ​ർ​ഡു​ക​ളെ​യു​മാ​ണ് മു​ൻ​ഗ​ണ​നേ​ത​ര (നോ​ൺ സ​ബ്സി​ഡി) വി​ഭാ​ഗ​ത്തി​ലേ​ക്ക് മാ​റ്റി​യ​ത്. 4265 നീ​ല കാ​ർ​ഡു​കാ​രെ​യും റേ​ഷ​ൻ വാ​ങ്ങാ​ത്ത​തി​നെ തു​ട​ർ​ന്ന് വെ​ള്ള കാ​ർ​ഡി​ലേ​ക്ക് മാ​റ്റി. 

ഏ​റ്റ​വും കു​ടു​ത​ൽ മ​ഞ്ഞ കാ​ർ​ഡു​കാ​ർ പു​റ​ത്താ​യ​ത് തി​രു​വ​ന​ന്ത​പു​രം ജി​ല്ല​യി​ലാ​ണ് -858. പാ​ല​ക്കാ​ട് -761, തൃ​ശൂ​ർ -760, ആ​ല​പ്പു​ഴ -732, വ​യ​നാ​ട് 339 കു​ടും​ബ​ങ്ങ​ളും പു​റ​ത്താ​യി. പി​ങ്ക് കാ​ർ​ഡു​കാ​രി​ൽ ഏ​റ്റ​വും കൂ​ടു​ത​ൽ പു​റ​ത്താ​യ​ത് എ​റ​ണാ​കു​ളം ജി​ല്ല​യി​ലാ​ണ് -7424. തി​രു​വ​ന​ന്ത​പു​രം -6439, തൃ​ശൂ​ർ -6095, കൊ​ല്ലം -5132, ആ​ല​പ്പു​ഴ -4123, ഇ​ടു​ക്കി -3106, വ​യ​നാ​ട് -570 കാ​ർ​ഡു​കാ​ർ പു​റ​ത്താ​യി. ഭ​ക്ഷ്യ​വ​കു​പ്പി​ന്‍റെ ന​ട​പ​ടി​യി​ൽ ആക്ഷേപമു​ള്ള​വ​ർ​ക്ക് അ​താ​ത് താ​ലൂ​ക്ക് സ​പ്ലൈ ഓഫീസ​ർ​മാ​ർ​ക്ക് രേ​ഖാ​മൂ​ലം പ​രാ​തി ന​ൽ​കാം. 

പ​രാ​തി​ക​ൾ റേ​ഷ​നി​ങ് ക​ൺ​ട്രോ​ള​ർ​മാ​ർ നേ​രി​ട്ടെ​ത്തി പ​രി​ശോ​ധി​ച്ച​ ശേ​ഷ​മാ​കും ഇ​വ​രെ ഇ​നി മു​ൻ​ഗ​ണ​ന പ​ട്ടി​ക​യി​ൽ ഉ​ൾ​പ്പെ​ടു​ത്തു​ക. പു​റ​ത്താ​ക്കി​യ​വ​ർ​ക്ക് പ​ക​രം മു​ൻ​ഗ​ണ​ന വി​ഭാ​ഗ​ത്തി​ൽ ഉ​ൾ​പ്പെ​ടാ​ൻ അ​ർ​ഹ​ത​യു​ള്ള നീ​ല, വെ​ള്ള കാ​ർ​ഡു​കാ​രി​ൽ​ നി​ന്ന് അ​പേ​ക്ഷ സ്വീ​ക​രി​ക്കാ​ൻ തീ​രു​മാ​നി​ച്ചു. നി​ല​വി​ലു​ള്ള ഒ​ഴി​വു​ക​ളി​ലേ​ക്ക് ജൂ​ലൈ 18 മു​ത​ൽ ആ​ഗ​സ്റ്റ് 10 വ​രെ ഓ​ൺ​ലൈ​ൻ വ​ഴി അ​പേ​ക്ഷി​ക്കാം. ഡെ​പ്യൂ​ട്ടി റേ​ഷ​നി​ങ് ക​ൺ​ട്രോ​ള​ർ​ക്കാ​ണ്​ മേ​ൽ​നോ​ട്ട ചു​മ​ത​ല.