എടത്വ: കേരള സംസ്ഥാന വ്യാപാരി വ്യവസായ സമിതി ആലപ്പുഴ ജില്ലാ സമ്മേളനം 25, 26 തീയതികളില്‍ നടക്കും. സമ്മേളനത്തിന് മുന്നോടിയായി കൊടിമര ഘോഷയാത്ര നാളെ തകഴി വില്ലേജ് മാള്‍ ജംഗ്ഷനില്‍ നിന്ന ചക്കുളത്ത്കാവ് ആഡിറ്റോറിയത്തിലേക്ക് നടക്കും. നാളെ വൈകിട്ട് 4 ന് കൊടിമരം ജില്ലാ സ്വാഗത സംഘം ചെയര്‍മാന്‍ കെ.എസ്. അനില്‍കുമാറില്‍ നിന്ന് ജില്ലാ സെക്രട്ടറി ടി.വി. ബൈജു ഏറ്റുവാങ്ങും.
തുടര്‍ന്ന് എടത്വ കോളജ് ജംഗ്ഷനില്‍ നിന്ന് കൊടിമര ജാഥ നടക്കും. 5 ന് നമ്പലശ്ശേരി എടത്വ മാര്‍ക്കറ്റ് ഷാഹുല്‍ ഹമീദ് നഗറില്‍ ചേരുന്ന പൊതുസമ്മേളനം സംസ്ഥാന സെക്രട്ടറി ഇ.എസ് ബിജു ഉദ്ഘാടനം ചെയ്യും. സ്വാഗതസംഘം ചെയര്‍മാന്‍ കെ.എസ്. അനില്‍കുമാര്‍ അധ്യക്ഷത വഹിക്കും. ജില്ലാ രക്ഷാധികാരി ആര്‍. നാസര്‍ മുഖ്യ പ്രഭാഷണം നടത്തും. സംസ്ഥാന വൈസ് പ്രസിഡന്റുമാരായ സി.കെ ജലീല്‍, വി. പാപ്പച്ചന്‍ എന്നിവര്‍ വ്യാപാരികളെ ആദരിക്കും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
26 ന് രാവിലെ 9.30 ന് ചക്കുളത്ത്കാവ് ആഡിറ്റോറിയത്തിലെ ഒ. അഷ്‌റഫ് നഗറില്‍ പ്രതിനിധി സമ്മേളനം നടക്കും. ജില്ലാ പ്രസിഡന്റ് പി.സി. മോനിച്ചന്‍ അധ്യക്ഷത വഹിക്കും. കെ. അന്‍സിലന്‍ എം.എല്‍.എ ഉദ്ഘാടനം നിര്‍വ്വഹിക്കും. സംസ്ഥാന പ്രസിഡന്റ് വി.കെ.സി മമ്മദ്‌കോയ മുഖ്യപ്രഭാഷണം നടത്തും. വ്യാപാരി വ്യവസായികള്‍ക്ക് മരണാനന്തര സഹാത്തിനുള്ള ആശ്വാസ് പദ്ധതി അഡ്വ. എ.എം ആരിഫ് എം.പി ഉദ്ഘാടനം ചെയ്യും.
സ്വാഗത സംഘം കണ്‍വീനര്‍ എം.എം ഷരീഫ്, മീഡിയ കണ്‍വീനര്‍ ഡോ. ജോണ്‍സണ്‍ വി. ഇടിക്കുള, സംസ്ഥാന ജോയിന്റ്‌സെക്രട്ടറിമാരായ സി.കെ. വിജയന്‍, സീനത്ത് ഇസ്മയേല്‍, സംസ്ഥാന എക്‌സിക്യൂട്ടീവ് അംഗങ്ങളായ അബ്ദുള്‍ വാഹിദ്, റോഷന്‍ ജേക്കബ്, ആര്‍ രാധാകൃഷ്ണര്‍, ട്രഷറാര്‍ ഐ. ഹസ്സന്‍കുഞ്ഞ്, ജില്ലാ സെക്രട്ടറി ടി.വി. ബൈജു എന്നിവര്‍ പ്രസംഗിക്കും. തുടര്‍ന്ന് പുതിയ ജില്ലാ കമ്മറ്റി തെരെഞ്ഞെടുപ്പും നടക്കും.
ജില്ലാ സമ്മേളനത്തിന്റെ ആലോചനയോഗം തകഴി ഏരിയ പ്രസിഡന്റ് കെ.ആര്‍ ഗോപകുമാര്‍ ഉദ്ഘാടനം ചെയ്തു. സ്വാഗത സംഘം കണ്‍വീനര്‍ എം.എം ഷെരീഫ് അധ്യക്ഷത വഹിച്ചു. സെക്രട്ടറി ഫിലിപ്പ് ചെറിയാന്‍, ഒ.വി.ആന്റണി, കെ.എം മാത്യൂ, ഡോ.ജോണ്‍സണ്‍ വി. ഇടിക്കുള, എന്‍.വിജയന്‍, സി. രാജു, ജിജി സേവ്യര്‍, സനല്‍ എന്നിവര്‍ പ്രസംഗിച്ചു.
