പ്രായപൂർത്തിയാകാത്ത കുട്ടികൾക്ക് മദ്യം വാങ്ങി നൽകി : ഒറ്റപ്പാലത്ത് 21 കാരൻ പിടിയിൽ

ഒറ്റപ്പാലം: കൂനത്തറയില്‍ കഴിഞ്ഞ ദിവസം പ്രായപൂർത്തിയാകാത്ത രണ്ട് കുട്ടികള്‍ക്ക് മദ്യം വാങ്ങി നല്‍കിയ ആളെ ഷോർണൂർ പൊലീസ് പിടികൂടി.സംഭവത്തില്‍ പൊലീസ് നടത്തിയ അന്വേഷണത്തിലാണ് കൂനത്തറ സ്വദേശിയായ ക്രിസ്റ്റി (21) കുട്ടികള്‍ക്ക് മദ്യം വാങ്ങി നല്‍കിയതെന്ന് കണ്ടെത്തി. പൂരാഘോഷവുമായി ബന്ധപ്പെട്ടാണ് 15 വയസുകാരായ രണ്ടു വിദ്യാർഥികള്‍ക്ക് മദ്യം വാങ്ങി നല്‍കിയത്.

Advertisements

അമിതമായ അളവില്‍ മദ്യം കഴിച്ച രണ്ടു വിദ്യാർഥികള്‍ക്കു ഗുരുതരമായ ആരോഗ്യപ്രശ്നങ്ങള്‍ ഉണ്ടാകുകയും ഇതേ തുടർന്ന് അബോധാവസ്ഥയില്‍ റോഡില്‍ തളർന്നുവീണ ഇരുവരെയും ആശുപത്രിയില്‍ പ്രവേശിപ്പിക്കുകയായിരുന്നു. ഒരാള്‍ വാണിയംകുളത്തെ സ്വകാര്യ ആശുപത്രിയില്‍ വെന്റിലേറ്ററില്‍ ചികിത്സയിലായിരുന്നു. ഗുരുതരമായ കുറ്റകൃത്യമാണ് പ്രതി ക്രിസ്റ്റി ചെയ്തതെന്ന് പൊലീസ് വ്യക്തമാക്കി. ഇയാളെ കസ്റ്റഡിയിലെടുത്ത് ഉടൻ അറസ്റ്റ് രേഖപ്പെടുത്തുമെന്ന് പൊലീസ് അറിയിച്ചു.

Hot Topics

Related Articles