കോട്ടയം: സംസ്ഥാനത്ത് ഒൻപത് ഇൻസ്‌പെക്ടർമാർക്ക് ഡിവൈഎസ്പിമാരായി സ്ഥാനക്കയറ്റം. ഇത് കൂടാതെ 114 ഡിവൈഎസ്പിമാരെ സ്ഥലംമാറ്റിയും ഉത്തരവായി. ലോക്‌സഭാ തിരഞ്ഞെടുപ്പിന്റെ പശ്ചാത്തലത്തിലാണ് ഇപ്പോൾ സ്ഥാനമാറ്റം ഉണ്ടായിരിക്കുന്നത്. സംസ്ഥാനത്ത് ഒൻപത് ഇൻസ്‌പെക്ടർമാർക്കാണ് ഡിവൈഎസ്പിമാരായി സ്ഥാനക്കയറ്റം ലഭിച്ചിരിക്കുന്നത്. ഈരാറ്റുപേട്ട ഇൻസ്‌പെക്ടർ ബാബു സെബാസ്റ്റ്യൻ, എം.വി പളനി, എസ്.ജയകൃഷ്ണൻ, കെ.വിനോദൻ, ബി.പങ്കജാക്ഷൻ, എം.റോബർട്ട് ജോണി, എം.സജീവ്കുമാർ, വി.ഉണ്ണികൃഷ്ണൻ, ജെ.ചന്ദ്രബാബു എന്നിവരാണ് ഡിവൈഎസ്പിമാരായി സ്ഥാനക്കയറ്റം ലഭിച്ചവർ. ബാബു സെബാസ്റ്റ്യൻ കോട്ടയം ക്രൈം റെക്കോർഡ്‌സ് ബ്യൂറോയിലേയ്ക്കു നിയമിതനായപ്പോൾ, എം.റോബർട്ട് ജോണി പത്തനംതിട്ട ക്രൈംറെക്കോർഡ്‌സ് ബ്യൂറോയിലാണ് ഇനി ജോലി ചെയ്യുക.
സംസ്ഥാനത്തെ അഞ്ച് അഡീഷണൽ എസ്പിമാർക്കും മാറ്റമുണ്ട്. തിരുവനന്തപുരം എസ്.എസ്ബി ഐഎസ് ഡിവൈഎസ്പി എസ്.എം സഹീർ കൊല്ലം റൂറലിൽ അഡീഷണൽ എസ്പിയാകും. പ്രതാപൻ നായർ കൊല്ലത്തു നിന്നും തിരുവനന്തപുരം റൂറലിലേയ്ക്കു മാറും. എം.കെ സുൽഫിക്കർ തിരുവനന്തപുരം റൂറലിൽ നിന്നും കൊല്ലം സിറ്റിയിലേയ്ക്കു മാറും. കെ.ബിജുമോനെ എറണാകുളം റൂറലിൽ നിന്നും മലപ്പുറത്തേയ്ക്ക് മാറ്റിയപ്പോൾ പി.എം പ്രദീപ് മലപ്പുറത്തു നിന്നും എറണാകുളം റൂറലിൽ എത്തും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കോട്ടയം ക്രൈംബ്രാഞ്ച് ഡിവൈഎസ്പി അമ്മിണിക്കുട്ടൻ നെയ്യാറ്റിൻകരയിലേയ്ക്കാണ് സ്ഥലം മാറി പോകുന്നത്. മുനമ്പത്തു നിന്നും എം.കെ മുരളി കോട്ടയം ഡിവൈഎസ്പിയായി എത്തും. നിലവിലെ കോട്ടയം ഡിവൈഎസ്പി അനീഷ് കെ.ജി അമ്പലപ്പുഴയിലേയ്ക്കാണ് സ്ഥലം മാറി പോകുന്നത്. ഇമ്മാനുവേൽ പോൾ തൊടുപുഴയിൽ നിന്നും വൈക്കത്ത് ഡിവൈഎസ്പിയായി എത്തും. ഇടുക്കി ക്രൈംബ്രാഞ്ചിൽ നിന്നും കെ.സദൻ പാലാ ഡിവൈഎസ്പിയായി എത്തും. സജി മർക്കോസ് എറണാകുളം റൂറലിൽ നിന്നും ചങ്ങനാശേരിയിൽ എത്തും. ചങ്ങനാശേരി ഡിവൈഎസ്പി എ.കെ വിശ്വനാഥൻ പുത്തൻകുരിശിലേയ്ക്കു സ്ഥലം മാറി പോകും. വി.ടി രസിത്ത് തിരുവനന്തപുരം നർക്കോട്ടിക്ക് സെല്ലിൽ നിന്നും കോട്ടയം സ്‌പെഷ്യൽ ബ്രാഞ്ച് ഡിവൈഎസ്പിയായി എത്തും. കോട്ടയം സ്‌പെഷ്യൽ ബ്രാഞ്ച് ഡിവൈഎസ്പി സാജു വർഗീസ് ഇടുക്കി ഡിവൈഎസ്പി ആകും. ജില്ലാ ക്രൈബ്രാഞ്ചിൽ നിന്നും ടി.എം വർഗീസ് തൃക്കാക്കരയിലേയ്ക്കു ട്രാൻസ്ഫർ ലഭിച്ച് പോകും. മാത്യു ജോർജ് ഇടുക്കി നർക്കോട്ടിക് സെല്ലിൽ നിന്നും കോട്ടയം ജില്ലാ ക്രൈംബ്രാഞ്ചിൽ എത്തും. അനീഷ് വി കോര കോട്ടയം ജില്ലാ ക്രൈം റെക്കോർഡ്‌സ് ബ്യൂറോയിൽ നിന്നും കോട്ടയം ക്രൈംബ്രാഞ്ചിലേയ്ക്കു മാറും.
കൊല്ലം ജില്ലാ ക്രൈംബ്രാഞ്ച് ഡിവൈഎസ്പി സഖറിയ മാത്യു തിരുവനന്തപുരം റൂറൽ സ്‌പെഷ്യൽ ബ്രാഞ്ചിലേയ്ക്കു മാറും. പത്തനംതിട്ട ഡിവൈഎസ്പി നന്ദകുമാർ കൊട്ടാരക്കരയിലേയ്ക്കു സ്ഥലം മാറി പോകും. പുനലൂർ ഡിവൈഎസ്പി ബി.വിനോദ് പകരം പത്തനംതിട്ടയിൽ എത്തും. തിരുവനന്തപുരം സിറ്റി ട്രാഫിക്ക് ഡിവൈഎസ്പി പി.നിയാസാണ് കോന്നിയിലെ പുതിയ ഡിവൈഎസ്പി. കെ.ബൈജുകുമാർ നെടുമങ്ങാട് നിന്ന് പത്തനംതിട്ട സ്‌പെഷ്യൽ ബ്രാഞ്ചിൽ എത്തും.
