കോട്ടയം : മാന്നാനം പിള്ളക്കവലയിൽ വൻ വിദേശ മദ്യ വേട്ട. ആളൊഴിഞ്ഞ വീട്ടിൽ നിന്നും നൂറിലേറെ കേസ് മദ്യം പിടിച്ചെടുത്തു. പോണ്ടിച്ചേരിയിൽ നിന്നും എത്തിച്ച് സൂക്ഷിച്ചിരുന്ന വിദേശ മദ്യത്തിന്റെ വൻ ശേഖരമാണ് ഗാന്ധിനഗർ സ്റ്റേഷൻ ഹൗസ് ഓഫിസർ കെ.ഷിജിയുടെ നേതൃത്വത്തിലുള്ള സംഘം പിടിച്ചെടുത്തത്. രഹസ്യ വിവരത്തെ തുടർന്നാണ് പൊലീസ് സംഘം ആളില്ലാത്ത വീട്ടിൽ പരിശോധന നടത്തിയത്. അവധി ദിവസങ്ങളിലും ഉത്സവം പെരുന്നാൾ ദിവസങ്ങളിലും ഡ്രൈ ഡേയിലും വിൽപ്പന നടത്തുന്നതിനായാണ് മദ്യം സൂക്ഷിച്ചിരുന്നത് എന്നാണ് വിവരം.
Advertisements
