കോട്ടയം വൈ എം സി എ ഓണാഘോഷം നടത്തി : കോഴിക്കോട് ക്രൈം ബ്രാഞ്ച് ഇൻസ്പെക്ടർ പ്രസാദ് എബ്രഹാം വർഗീസ് ഉദ്ഘാടനം ചെയ്തു

ഫോട്ടോ ക്യാപ്ഷൻ :
കോട്ടയം വൈ.എം.സി.എയും വൈ.ഡബ്ലിയു.സി.എ യും സംയുക്തമായി കുടുംബശ്രീ യൂണിറ്റുകൾക്കായി സംഘടിപ്പിച്ച തിരുവാതിര മത്സരത്തിൽ വിജയികളായ നട്ടാശേരി ദീപം കുടുംബശ്രീ -ക്ക് ക്രൈം ബ്രാഞ്ച് ഇൻസ്‌പെക്ടർ പ്രസാദ് എബ്രഹാം വർഗീസ് ‘സിഡ്‌നി മോണ്ടിസ്സോറി എവർ റോളിങ്ങ് ട്രോഫി’ നൽകുന്നു. വൈ.എം.സി.എ ട്രഷറർ ജിജോ വി.എബ്രഹാം, കൾച്ചറൽ പ്രോഗ്രാംസ് ചെയർമാൻ ജോൺ ചെറിയാൻ, വൈസ് പ്രസിഡന്റ് എബി പുഞ്ചിരി, സിഡ്‌നി മോണ്ടിസ്സോറി സ്കൂൾ എം.ഡി, ജെ. ജോസഫ്, വൈ.ഡബ്ലിയു.സി.എ പ്രസിഡന്റ് സിസി കുരുവിള, അഡ്വ. ടോം കോര അഞ്ചേരിൽ, ജനറൽ സെക്രട്ടറി ഷൈജു വർഗീസ് എന്നിവർ സമീപം.

കോട്ടയം: വൈ.എം.സി.എ സംഘടിപ്പിച്ച ഓണാഘോഷം കോഴിക്കോട് ക്രൈം ബ്രാഞ്ച് ഇൻസ്‌പെക്ടർ പ്രസാദ് എബ്രഹാം വർഗീസ് ഉദ്ഘാടനം ചെയ്തു.

കോട്ടയം വൈ.എം.സി.എയും വൈ.ഡബ്ലിയു.സി.എ യും സംയുക്തമായി കുടുംബശ്രീ യൂണിറ്റുകൾക്കായി സംഘടിപ്പിച്ച തിരുവാതിര മത്സര വിജയികൾക്കുള്ള സമ്മാന ദാനവും വിവിധ കലാപരിപാടികളും നടന്നു. തിരുവാതിര മത്സരത്തിൽ ദീപം കുടുംബശ്രീ ഒന്നാം സ്ഥാനവും, ഐശ്വര്യ കുടുംബശ്രീ രണ്ടാം സ്ഥാനവും, ശ്രീ ദുർഗ ഗ്രൂപ്പ് മൂന്നാം സ്ഥാനവും നേടി. വൈ.എം.സി.എ വൈസ് പ്രസിഡന്റ് അഡ്വ. ടോം കോര അഞ്ചേരിൽ അധ്യക്ഷത വഹിച്ചു.

വൈ.എം.സി.എ കൾച്ചറൽ പ്രോഗ്രാംസ് ചെയർമാൻ ജോൺ ചെറിയാൻ, വൈ.ഡബ്ലിയു.സി.എ പ്രസിഡന്റ് സിസി കുരുവിള, സിഡ്‌നി മോണ്ടിസ്സോറി സ്കൂൾ എം.ഡി ജെ. ജോസഫ്, വൈ.എം.സി.എ ട്രഷറർ ജിജോ വി.എബ്രഹാം, വൈസ് പ്രസിഡന്റ് എബി പുഞ്ചിരി, ജനറൽ സെക്രട്ടറി ഷൈജു വർഗീസ് എന്നിവർ പ്രസംഗിച്ചു.