കോട്ടയം: താഴത്തങ്ങാടിയിൽ സ്വകാര്യ ബസിനുള്ളിൽ യുവതിയോട് അപമര്യാദയായി പെരുമാറുകയും പിൻതുടർന്ന് ശല്യം ചെയ്യുകയും ചെയ്ത കേസിൽ പാക്കിൽ കാരമ്മൂട് സ്വദേശി പിടിയിൽ. കാരമ്മൂട് സ്വദേശിയും ഓട്ടോ ഡ്രൈവറുമായ രാജേഷിനെയാണ് കോട്ടയം വെസ്റ്റ് പൊലീസ് കസ്റ്റഡിയിൽ എടുത്തത്. വെള്ളിയാഴ്ച വൈകിട്ട് കോട്ടയം -കുമരകം – അട്ടിപ്പീടിക റൂട്ടിർ സർവീസ് നടത്തുന്ന ആൻമരിയ ബസിലായിരുന്നു സംഭവം. താഴത്തങ്ങാടി സ്വദേശിനിയായ 20 കാരിയെ ഇയാൾ ശല്യം ചെയ്യുകയായിരുന്നുവെന്നാണ് പരാതി. യുവതിയെ ഇയാൾ താഴത്തങ്ങാടിയിൽ വച്ച് ശല്യം ചെയ്യുകയായിരുന്നു. പെൺകുട്ടി ബഹളമുണ്ടാക്കിയതോടെ ഇയാളെ നാട്ടുകാരും ബസ് ജീവനക്കാരും ചേർന്ന് പിടികൂടി പൊലീസിനു കൈമാറി. പെൺകുട്ടിയുടെ മൊഴിയെടുത്ത പൊലീസ് കേസെടുക്കും.
Advertisements
