കോട്ടയം : നഗര മധ്യത്തിൽ അഞ്ജലി പാർക്ക് ഹോട്ടലിൽ ജീവനക്കാരുടെ അക്രമം. ഇതര സംസ്ഥാന ലോറിയിലെ ഡ്രൈവർമാരുടെ തല അടിച്ച് പൊട്ടിച്ചു. പാരഗൺ കമ്പനിയിൽ ലോഡുമായി എത്തിയ ഡ്രൈവർമാരായ രാഹുൽ , സന്ദീപ് എന്നിവരുടെ തലയാണ് അക്രമികളായ ബാർ ജീവനക്കാർ തല്ലി പൊട്ടിച്ചത്. ഒരാളുടെ തല തല്ലി പൊട്ടിക്കുകയും , കഴുത്തിന് കുത്തി പരിക്കേൽപ്പിക്കുകയും ചെയ്തിട്ടുണ്ട്. അക്രമത്തിൽ ഗുരുതരമായി പരിക്കേറ്റ രണ്ട് പേരെയും ജില്ലാ ജനറൽ ആശുപത്രിയിൽ പ്രവേശിപ്പിച്ചു.
തിങ്കളാഴ്ച രാത്രി എട്ടരയോടെ ആയിരുന്നു അക്രമ സംഭവങ്ങൾ. പാരഗൺ കമ്പനിയിൽ ചെരുപ്പുമായി എത്തിയതായിരുന്നു മുംബൈ സ്വദേശികളായ ഡ്രൈവർമാർ. ഇവർ അഞ്ജലി പാർക്ക് ബാറിൽ എത്തി മദ്യപിച്ചു. തുടർന്ന് ബാറിനുള്ളിൽ ജീവനക്കാരുമായി തർക്കം ഉണ്ടായി. തുടർന്ന് , ബാർ ജീവനക്കാർ ഇരുവരെയും ക്രൂരമായി മർദിക്കുകയും ആയിരുന്നതായി പരാതിയിൽ പറയുന്നു. തുടർന്ന് ബാറിൽ നിന്ന് പുറത്തിറങ്ങിയ രണ്ട് പേരും ഓടി സെൻട്രൽ ജംഗ്ഷനിലെ ഓട്ടോ സ്റ്റാൻഡിൽ എത്തി. തുടർന്ന് , ഇവിടെ ഉണ്ടായിരുന്ന ഓട്ടോ ഡ്രൈവർമാരാണ് വിവരം പൊലീസിൽ അറിയിച്ചത്. തുടർന്ന് , പൊലീസ് എത്തി രണ്ട് പേരെയും ജില്ലാ ജനറൽ ആശുപത്രിയിൽ എത്തിച്ചു. തുടർന്ന് പൊലീസ് രണ്ട് പേരുടെയും പരാതി എഴുതി വാങ്ങിയിട്ടുണ്ട്.
