കോട്ടയം : കോട്ടയം ഏറ്റുമാനൂർ പാലാ റോഡിൽ വാഹനാപകടം. കോളേജ് വിദ്യാർത്ഥികൾ സഞ്ചരിച്ചിരുന്ന ബൈക്ക് ടിപ്പറിൽ ഇടിക്കുകയായിരുന്നു. മംഗളം കോളേജിലെ വിദ്യാർത്ഥികളായ രണ്ട് പേർ സഞ്ചരിച്ച ബൈക്കാണ് അപകടത്തിൽ പെട്ടത്. അപകടത്തിൽ ഗുരുതരമായി പരിക്കേറ്റ വിദ്യാർത്ഥികളെ കോട്ടയം മെഡിക്കൽ കോളേജിലേക്ക് മാറ്റി. ഏറ്റുമാനൂർ പാലാ റോഡിൽ കിസ്മത്ത് പടിക്ക് സമീപം 4 മണിയോടെയായിരുന്നു അപകടം. വിദ്യാർത്ഥികൾ സഞ്ചരിച്ച ബൈക്ക് ടിപ്പറിന് മുന്നിലേക്ക് ഇടിച്ചു കയറുകയായിരുന്നു എന്ന് ദൃക്സാക്ഷികൾ പറഞ്ഞു. അപകടത്തിൽ ബൈക്കിന്റെ മുൻ വശം പൂർണമായും തകർന്നു. ഇരുവരുടേയും പരിക്ക് ഗുരുതരമാണെന്നാണ് ലഭിക്കുന്ന വിവരം.
Advertisements
