കൂരോപ്പട : കൂരോപ്പട ഗ്രാമപഞ്ചായത്തിലെ ഈ വർഷത്തെ കേരളോത്സവം ഒക്ടോബർ 14, 15 തീയതികളിൽ നടക്കും. 1/10/2023 ന് 15 വയസ്സ് പൂർത്തിയായവരും 40 വയസ്സ് തികയാത്തവരുമായ യുവജനങ്ങൾ ക്കാണ് മത്സരിക്കുന്നതിന് അർഹത. മത്സരിക്കാൻ ആഗ്രഹിക്കുന്ന വ്യക്തികളും ടീമുകളും 2023 ഒക്ടോബർ പത്താം തീയതി വൈകുന്നേരം 5 ന് മുൻപായി രജിസ്റ്റർ ചെയ്യേണ്ടതാണ്.
ഒക്ടോബർ 15 ന് കൂരോപ്പട പഞ്ചായത്ത് ഹാളിൽ കലാമത്സരങ്ങളും ഒക്ടോബർ 14 ന് ക്രിക്കറ്റ്, അത്ലറ്റിക്സ്‌ തുടങ്ങിയവ ളാക്കാട്ടൂർ എം.ജി.എം എൻ.എസ്.എസ് ഹയർ സെക്കണ്ടറി സ്കൂൾ ഗ്രൗണ്ടിലും ഫുട്ബോൾ മത്സരങ്ങൾ ചോകോംപറമ്പ് ഗെയിം ടൗൺ ഫുട്ബോൾ ടർഫിലും നടക്കും. കേരളോത്സവത്തിന്റെ വിജയകരമായ നടത്തിപ്പിന് സംഘാടക സമിതി രൂപികരിച്ചു. ഗ്രാമ പഞ്ചായത്ത് പ്രസിഡന്റ് ഷീലാ ചെറിയാൻ അധ്യക്ഷത വഹിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബ്ലോക്ക് പഞ്ചായത്ത് അംഗം റ്റി എം ജോർജ് , വൈസ് പ്രസിഡന്റ് ഗോപി ഉല്ലാസ്, സ്ഥിരം സമിതി അധ്യക്ഷമാരായ രാജമ്മ ആഡ്രൂസ്, സന്ധ്യാ സുരേഷ്, പഞ്ചായത്ത് അംഗങ്ങളായ അനിൽ കൂരോപ്പട, ബാബു വട്ടുകുന്നേൽ, കുഞ്ഞൂഞ്ഞമ്മ കുര്യൻ, മഞ്ജു കൃഷ്ണകുമാർ, ആശാ ബിനു, അമ്പിളി മാത്യു, റ്റി.ജി മോഹനൻ, സന്ധ്യാ ജി നായർ, സംഘടനാ ഭാരവാഹികളായ ബിജി കുര്യൻ, അഭിലാഷ് മാത്യൂ, സിബി, ജീവനക്കാരുടെ പ്രതിനിധികളായ ഹേമാ എസ് നായർ, രേഷ്മ തുടങ്ങിയവർ പങ്കെടുത്തു.
രജിസ്ട്രേഷൻ ഫോമിനും വിശദ വിവരങ്ങൾക്കുമായി പഞ്ചായത്ത് ഓഫീസുമായി ബന്ധപ്പെടുക. ഫോൺ: O48l 2700243, 9495706986
