കോട്ടയം : എം സി റോഡിൽ കോടിമത നാലുവരിപ്പാതയിൽ വിൻസർ കാസിൽ ഹോട്ടലിന് മുന്നിൽ സ്കൂട്ടറിൽ കാറിടിച്ച് യുവാക്കൾക്ക് പരിക്ക്. സ്കൂട്ടറിൽ ഇടിച്ച കാർ നിർത്താതെ അമിതവേഗത്തിൽ ഓടിച്ചു പോയി. അപകടത്തിൽ മറിയപ്പള്ളി കൈനടിയിൽ മോൻസൺ പി. കുമാർ (30) , പാക്കിൽ കൊച്ച് പറമ്പിൽ നിധിൻ (30) എന്നിവർക്ക് പരിക്കേറ്റു. തലയ്ക്കു പരിക്കേറ്റ ഇതുവരെയും കോട്ടയം ജില്ലാ ജനറൽ ആശുപത്രിയിൽ പ്രവേശിപ്പിച്ചു. ഞായറാഴ്ച വൈകിട്ട് ഏഴരയോടെ ആയിരുന്നു അപകടം. കോട്ടയം ഭാഗത്തുനിന്നും അമിത വേഗത്തിൽ എത്തിയ കാർ, സ്കൂട്ടറിന്റെ പിന്നിൽ ഇടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടർ റോഡിന് നടുവിലെ ഡിവൈഡറിലേക്ക് വീണു. ഓടിക്കൂടിയ നാട്ടുകാർ ചേർന്ന് കാർ തടയാൻ ശ്രമിച്ച എങ്കിലും സാധിച്ചില്ല. ഇതുവഴി എത്തിയ ഓട്ടോറിക്ഷ തടഞ്ഞുനിർത്തി നാട്ടുകാരാണ് പരിക്കേറ്റവരെ ആശുപത്രിയിൽ എത്തിച്ചത്.
Advertisements
