വൈക്കം: ടൗൺ റോട്ടറി ക്ലബ്ബ് ടിവി പുരം ഗവൺമെൻ്റ്ഹയർ സെക്കൻഡറി സ്കൂളിലെ കബഡി ടീമിന് ജഴ്സി വിതരണം ചെയ്തു. സ്കൂൾ അങ്കണത്തിൽ നടന്ന യോഗത്തിൽ റോട്ടറി ക്ലബ് പ്രസിഡൻ്റ് ജോയിമാത്യു അധ്യക്ഷത വഹിച്ചു.സ്കൂൾ ഹെഡ്മിസ്ട്രസ് ഷാഹിന ബീഗത്തിന് റോട്ടറി ക്ലബ് പ്രസിഡൻ്റ് ജോയി മാത്യു ജഴ്സികൾ കൈമാറി. റോട്ടറി ഡിസ്ട്രിക്ടിൻ്റെ പദ്ധതിയായ
ഉയിരെയുടെ ഭാഗമായി സ്കൂൾ കുട്ടികളിലെ കായികമായ കഴിവ് പ്രോത്സാഹിപ്പിക്കുന്നതിൻ്റെ ഭാഗമായിട്ടാണ് ജഴ്സികൾ വിതരണം ചെയ്തത്. കബഡിയിൽ സംസ്ഥാന ,ജില്ലാമത്സരങ്ങളിൽ ടി വി പുരം സ്കൂളിലെ കുട്ടികൾ പങ്കെടുത്തിട്ടുണ്ട്. യോഗത്തിൽ ഡി.നാരായണൻനായർ ,പി.എ.സുധീരൻ, ക്ലബ് സെക്രട്ടറി കെ.എസ്. വിനോദ്, രാജൻ പൊതി, എം.ബി. ഉണ്ണികൃഷ്ണൻ ,സിറിൽ ജെ. മഠത്തിൽ, എൻ.കെ. സെബാസ്റ്റ്യൻ, സ്കൂൾ ടീംമാനേജരും ആലപ്പുഴ ജില്ലാ വോളിബോൾ ടെക്നിക്കൽ കമ്മിറ്റി പേട്രണുമായ പി.കെ. ബാലകൃഷ്ണൻ, സ്കൂൾ അധ്യാപിക ഐ.ഫാത്തിമ,സ്കൂൾ കബഡി ടീം കോച്ച് വിവേക് എന്നിവർ പങ്കെടുത്തു.
