കോട്ടയം : നഗരമധ്യത്തിൽ ചന്ത ക്കടവിൽ ബൈക്കും സ്കൂട്ടറും കുട്ടിയിടിച്ച് രണ്ട് യുവാക്കൾക്ക് പരിക്ക്. ചന്തക്കടവ് സ്വദേശികളായ യുവാക്കൾക്കാണ് അപകടത്തിൽ പരിക്കേറ്റതെന്നാണ് സൂചന. കുമരകം റോഡിൽ സിഎംഎസ് കോളേജിനു സമീപം സി എസ് ഐ ബിഷപ്പ് ഹൗസിന് മുന്നിലായിരുന്നു അപകടം. സ്കൂട്ടറും ബൈക്കും തമ്മിൽ കൂട്ടിയിടിക്കുകയായിരുന്നു. ഇവിടെ ആഘാതത്തിൽ റോഡിൽ വീണു കിടന്ന യുവാക്കളെ 108 ആംബുലൻസിലാണ് ആശുപത്രിയിൽ എത്തിച്ചത്. യുവാക്കൾ ഡ്യൂക്ക് ബൈക്കിലാണ് സഞ്ചരിച്ചിരുന്നത്. സ്കൂട്ടർ യാത്രക്കാരനും അപകടത്തിൽ നിസ്സാര പരിക്കേറ്റിട്ടുണ്ട്. അപകടമറിഞ്ഞ് പോലീസും സ്ഥലത്തെത്തി.
Advertisements
