കോട്ടയം : നെഹ്റു യുവകേന്ദ്ര കോട്ടയത്തിന്റെയും മേരാ യുവഭാരതിന്റെയും നേതൃത്വത്തിൽ ബസേലിയസ് കോളേജ് നാഷണൽ സർവീസ് സ്കീം യൂണിറ്റിന്റെ സഹകരണത്തോടെ സംഘടിപ്പിച്ച ജില്ലാതല റോഡ് സുരക്ഷാ ദിനാചരണത്തിന്റെ ഉദ്ഘാടനം കോട്ടയം റീജിയണൽ ട്രാൻസ്പോർട്ട് ഓഫീസർ അജിത് കുമാർ നിർവഹിച്ചു. റോഡ് സുരക്ഷയുമായി ബന്ധപ്പെട്ട് കോളജ് വിദ്യാർത്ഥികൾ റോഡുകളിൽ വാഹന യാത്രക്കാർക്കും പൊതുജനങ്ങൾക്കും ബോധവൽക്കരണ സന്ദേശം നൽകി പ്രചാരണ ലഘുലേഖകൾ വിതരണം ചെയ്തു. തുടർന്നുള്ള ദിവസങ്ങളിൽ ട്രാഫിക് നിയമ ബോധവൽക്കരണത്തിനായി നിരത്തുകളിൽ ഇവരുടെ സേവനം ഉണ്ടാകും.
ബസേലിയസ് കോളേജ് പ്രിൻസിപ്പൽ പ്രൊഫസർ ഡോക്ടർ ബിജു തോമസ് അധ്യക്ഷത വഹിച്ച ചടങ്ങിൽ സച്ചിൻ എച്ച് ( ജില്ല യൂത്ത് ഓഫീസർ), ഡോ. അജിത് വേണുഗോപാൽ (എച്ച് ഒ ഡി ട്രോമാകെയർ, കാരിത്താസ് ഹോസ്പിറ്റൽ) റോഷൻ സാമുവൽ (ഇൻസ്പെക്ടർ,എം വി ഡി ), ഡോ. മഞ്ജുഷ വി പണിക്കർ എൻ.എസ്.എസ്. പ്രോഗ്രാം ഓഫീസർ, ബസേലിയസ് കോളേജ്) എന്നിവർ സംസാരിച്ചു