കോട്ടയം പാമ്പാടിയിൽ പോലീസ് ഉദ്യോഗസ്ഥർ സഞ്ചരിച്ച കാർ നിയന്ത്രണം വിട്ട് റോഡരികിൽ ഇടിച്ച് കയറി : പൊലീസ് ഉദ്യോഗസ്ഥർക്ക് പരിക്ക്

കോട്ടയം : പാമ്പാടിയിൽ പോലീസ് ഉദ്യോഗസ്ഥർ സഞ്ചരിച്ച കാർ നിയന്ത്രണം വിട്ട് അപകടം, ഒരാൾക്ക് ഗുരുതര പരിക്ക്. പാമ്പാടി ദേശീയപാത 183 ൽ ചേന്നംപള്ളിക്ക് സമീപമാണ് അപകടമുണ്ടായത്. ഇന്ന് രാവിലെ 6:45 ഓടെ യാണ് സംഭവം.

പൊൻകുന്നം പോലീസ് സ്റ്റേഷനിലെ മൂന്ന് പോലീസ് ഉദ്യോഗസ്ഥരാണ് കാറിലുണ്ടായിരുന്നത്. എസ്.ഐ അനിൽ, എ.എസ്.ഐ ജോൺസൺ.എസ്, സി.പി.ഒ ശ്രീജിത്ത് എന്നിവരാണ് കാറിൽ ഉണ്ടായിരുന്നത്. ഇതിൽ ശ്രീജിത്തിനാണ് സാരമായി പരിക്കേറ്റത്.

കേസന്വേഷണവുമായി ബന്ധപ്പെട്ട് കോട്ടയത്ത് എത്തിയ ഇവർ തിരികെ പൊൻകുന്നത്തിന് പോകുന്ന വഴിയാണ് ചേന്നംപള്ളിയിൽ വച്ച് കാർ നിയന്ത്രണം വിട്ടത്. അപകടത്തെ തുടർന്ന് പാമ്പാടി എസ്.ഐ ഉദയകുമാറിന്റെ നേതൃത്വത്തിൽ പോലീസ് സംഘം സ്ഥലത്തെത്തി മൂവരേയും ആശുപത്രിയിൽ എത്തിച്ചു. അപകടത്തിൽ കാറിന്റെ മുൻഭാഗം തകർന്നു.