കോട്ടയം : എംസി റോഡിൽ കോടിമത പാലത്തിൽ കാൽനട യാത്രക്കാരനായ അജ്ഞാതന് ദുരൂഹ സാഹചര്യത്തിൽ പരിക്കേറ്റു. പാലത്തിൻറെ മധ്യഭാഗത്ത് വച്ച് ഇദ്ദേഹത്തെ പരിക്കേറ്റ നിലയിൽ യാത്രക്കാർ കണ്ടെത്തുകയായിരുന്നു. വാഹനം ഇടിച്ചതിനെ തുടർന്ന് ഇദ്ദേഹം റോഡിൽ വീണു കിടന്നതാണെന്ന് സംശയിക്കുന്നു. ഒന്നിലധികം വാഹനങ്ങൾ ഇദ്ദേഹത്തിൻറെ ശരീരത്തിലൂടെ കേറിയിറങ്ങിയതായി സംശയിക്കുന്നു. റോഡിൽ വീണ് കിടന്ന ഇദ്ദേഹത്തെ നാട്ടുകാർ ചേർന്നാണ് 108 ആംബുലൻസ് വിളിച്ച് വരുത്തി ആശുപത്രിയിലേയ്ക്ക് മാറ്റിയത്. അപകടത്തെ തുടർന്ന് എം സി റോഡിൽ വൻ ഗതാഗതക്കുരുക്കും ഉണ്ടായി.
Advertisements
