മുംബൈ: കോടിക്കണക്കിന് രൂപയുടെ അടയ്ക്കയും കുരുമുളകും മോഷ്ടിച്ച സംഘത്തിലെ മൂന്ന് പേർ അറസ്റ്റില്‍. നവി മുംബൈയിലാണ് വൻ മോഷണം അരങ്ങേറിയത്.16 കോടിയുടെ കുരുമുളകും അടയ്ക്കയുമാണ് ഇവർ മോഷ്ടിച്ചത്. നവി മുംബെയിലെ കസ്റ്റംസ് വെയർ ഹൗസിലായിരുന്നു മോഷണം നടന്നത്. മോഷണത്തിനു പിന്നില്‍ വലിയ സംഘമാണെന്ന നിഗമനത്തിലാണ് പോലീസ്. ഈ സംഘത്തിന്‍റെ ഭാഗമായ മൂന്ന് പേരാണ് ഇപ്പോള്‍ പിടിയിലായിരിക്കുന്നത്.
Advertisements
കസ്റ്റംസ് തീരുവ അടക്കാതെ ഇറക്കുമതി ചെയ്ത സാധനങ്ങള്‍ കൈക്കലാക്കാനായിരുന്നു മോഷണം. കഴിഞ്ഞ രണ്ട് വര്‍ഷങ്ങളിലായി പലപ്പോഴായിട്ടാണ് മോഷണം നടന്നിട്ടുള്ളത്. വൻ മോഷണ സംഘത്തെ കണ്ടെത്താനുള്ള ഊര്‍ജ്ജിതമായ അന്വേഷണത്തിലാണ് പോലീസ്.
