തന്മയം ചിത്രരചനാ ക്യാമ്പ് മോപ്പസാങ് വാലത് അനുസ്മരണം നടന്നു

കോട്ടയം : കേരള ചിത്രകലാ പരിഷത്ത് കോട്ടയം ജില്ല സംഘടിപ്പിക്കുന്ന ‘ തന്മയം’ ചിത്രരചന ക്യാമ്പ് കുമാരനല്ലൂർ തന്മയ മീഡിയ സെന്ററിൽ (മോപ്പസാങ് നഗർ ) ആരംഭിച്ചു. പ്രശസ്ത ചിത്രകാരനും കേരള ചിത്ര കലാപരിഷത്ത് രക്ഷാധികാരിയുമായിരുന്ന മോപ്പസാങ് വാലത്തിന്റെ നിര്യാണത്തിൽ അനുശോചിച്ചു കൊണ്ടുള്ള അനുസ്മരണായോഗവും പുഷ്പാർച്ചനയും ക്യാമ്പിന് തുടക്കമായി നടത്തി.

കോട്ടയം ജില്ലാ ചിത്രകല പരിഷത്ത് പ്രസിഡന്റ് ഫാദർ റോയ് എം തോട്ടം, സെക്രട്ടറി ഉഷാകുമാരി, ക്യാമ്പ് കൺവീനർ ആനന്ദ് രാജ് കനവ്, ട്രഷറർ വി. എസ് ചന്ദ്രമ്മ എന്നിവർ സംസാരിച്ചു. പ്രശസ്ത ചിത്രകാരൻ സുരേഷ്‌കുമാർ വാട്ടർ കളർ ഡെമോൺസ്ട്രഷൻ ചെയ്തു.

മാർച്ച് 8 വനിതാ ദിനാചരണ ഭാഗമായി പങ്കെടുത്ത കലാകാരികൾക്ക് ക്യാൻവാസ് കൈമാറുകയും ആദരിക്കുകയും ചെയ്തു. പ്രശസ്ത കലാകൃത്തുക്കൾ ഉൾപ്പെടെ ഇരുപതോളം ആർട്ടിസ്റ്റുമാർ പങ്കെടുക്കുന്ന ‘തന്മയം ‘ ക്യാമ്പ് നാളെ മാർച്ച് ഒൻപത് ഞായറാഴ്ച വൈകിട്ട് നാലു മണിക്ക് അവസാനിക്കും.