തെള്ളകം: നിയന്ത്രണം വിട്ട ടിപ്പർ ലോറി ഇടിച്ച് വഴിയാത്രക്കാരൻ മരിച്ചു. പേരൂര്‍ ഒഴുകയില്‍ വീട്ടില്‍ ഒ.റ്റി ജോസഫ് (തങ്കപ്പന്‍ – 72) ആണ് മരിച്ചത്. ഇന്നലെ ഉച്ചയ്ക്ക് 1.45 ന് കാരിത്താസ് ജംഗ്ഷന് സമീപം ആയിരുന്നു അപകടം. തള്ളകത്തെ ബാങ്കിൽ പോയി മടങ്ങി വരികയായിരുന്നു ഇയാൾ. ഈ സമയം റോഡിനു സമീപത്തു നിന്നും മണ്ണ് നീക്കം ചെയ്യാൻ എത്തിയ ടിപ്പര്‍ ഇടിച്ചായിരുന്നു അപകടം ഉണ്ടായത്.ഇടിയുടെ ആഘാതത്തിൽ വാഹനത്തിന് അടിയിലേക്ക് പോയ ജോസഫിന്റെ ശരീരത്ത് കൂടി ടിപ്പർ ലോറിയുടെ ടയറുകൾ കയറിയിറങ്ങി.അപകടം കണ്ട് ടിപ്പർ ലോറി ഡ്രൈവർ ഓടി രക്ഷപ്പെട്ടു. നാട്ടുകാർ ചേർന്ന് ജോസഫിനെ ഉടൻതന്നെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.ജോസഫിന്റെ സംസ്കാരം സംസ്‌ക്കാരം പിന്നീട് സെന്റ് സെബാസ്റ്റ്യന്‍ ചര്‍ച്ച് ചെറുവാണ്ടൂരില്‍ നടക്കും. ഭാര്യ: ചിന്നമ്മ ജോസഫ് മാത്തശേരി (കുടമാളൂര്‍ ). മക്കള്‍: പരേതയായ ഷൈനി ജോസഫ്്,റോയി ജോസഫ്, ഷാന്റി ജോസഫ്. മരുമക്കള്‍: കുര്യാക്കോസ് ചാക്യാരത്ത് ആയാംങ്കുടി, ബേബിച്ചന്‍ കൂമ്പുങ്കല്‍ കൊഴുവനാല്‍, മിനി റോയി തുണ്ടിയില്‍ ചെങ്ങളം. .
