വെള്ളിലാപ്പിള്ളി : വെള്ളിലാപ്പിള്ളി സെന്റ് ജോസഫ്സ് യുപി സ്കൂളിലെ ശിശുദിന ആഘോഷം രാമപുരം മാർ ആഗസ്തിനോസ് കോളേജിലെ സോഷ്യൽ വർക്ക് ഡിപ്പാർട്ട്മെന്റിന്റെ ആഭിമുഖ്യത്തിൽ വിപുലമായ പരിപാടികളോടെ നടത്തുകയുണ്ടായി. സ്കൂൾ ഹെഡ്മിസ്ട്രസ് സിസ്റ്റർ ഡോണ എസ് എച്ച് അധ്യക്ഷത വഹിച്ച ചടങ്ങിന്റെ ഉദ്ഘാടനം വാർഡ് മെമ്പർ ശ്രീ മനോജ് ജോർജ് നിർവഹിച്ചു. സോഷ്യൽ വർക്ക് ഡിപ്പാർട്ട്മെന്റ് മേധാവി സിജു തോമസ്, വിദ്യാർത്ഥി പ്രതിനിധി ജിൻസ് , മിഥു അനിൽ എന്നിവർആശംസകൾ അർപ്പിച്ച് സംസാരിക്കുകയുണ്ടായി. തുടർന്ന് കോളേജ് വിദ്യാർത്ഥികളുടെ നേതൃത്വത്തിൽ കുട്ടികൾക്കുവേണ്ടി വിവിധങ്ങളായ മത്സരങ്ങളും കലാപരിപാടികളും നടത്തുകയുണ്ടായി. കുട്ടികളുടെ കലാപരിപാടികളും വേഷപ്രച്ഛന്നരായ ചാച്ചാജിമാരും സ്വാതന്ത്ര്യ സമര സേനാനികളും ചടങ്ങിന് മാറ്റു കൂട്ടി. തുടർന്ന് ലഹരി വിരുദ്ധ പ്രതിജ്ഞ ചൊല്ലുകയും ശേഷം മധുര പലഹാര വിതരണത്തോടെ ശിശുദിനാഘോഷം സമാപിക്കുകയും ചെയ്തു.
