കോട്ടയം: മജിസ്‌ട്രേറ്റിന്റെ വാഹനത്തിൽ ബൈക്ക് തട്ടിയതിനെച്ചൊല്ലിയുണ്ടായ തർക്കത്തിനൊടുവിൽ ബൈക്ക് നിർത്താതെ ഓടിച്ച് പോയ സംഭവത്തിൽ നിരവധി ക്രിമിനൽക്കേസുകളിൽ പ്രതികളായ യുവാക്കൾ പൊലീസ് പിടിയിൽ. കോട്ടയം നഗര പരിധിയിൽ നിരവധി ക്രിമിനൽക്കേസിൽ പ്രതികളായ വാവച്ചൻ , നിധിൻ പ്രകാശ് എന്നിവരെയാണ് പൊലീസ് പിടികൂടിയത്. ഇന്ന് വൈകിട്ടോടെ സിഎംഎസ് കോളേജിനു സമീപമാണ് സംഭവം ഉണ്ടായത്. ജൂനിയർ സിവിൽ ജഡ്ജിന്റെ വാഹനത്തിൽ പ്രതികളായ യുവാക്കൾ സഞ്ചരിച്ച വാഹനം ഇടിക്കുകയായിരുന്നു. ഇതേ തുടർന്ന് പ്രതികൾ അസഭ്യം പറഞ്ഞ ശേഷം വാഹനം ഓടിച്ച് പോകുകയായിരുന്നു. ഇതേ തുടർന്നു മജിസ്‌ട്രേറ്റ് വിവരം കോട്ടയം വെസ്്റ്റ് പൊലീസിൽ അറിയിച്ചു. തുടർന്നു പൊലീസ് സംഘം നടത്തിയ പരിശോധനയ്‌ക്കൊടുവിൽ രണ്ട് പ്രതികളെയും കസ്റ്റഡിയിൽ എടുത്തു.
Advertisements
