കോട്ടയം : കോട്ടയത്ത് കെ. എസ് ആർ ടി സി ബസിൽ യുവതിയ്ക്ക് നേരെ അതിക്രമം. ബസും യാത്രക്കാരനും കോട്ടയം വെസ്റ്റ് പൊലീസ് സ്റ്റേഷനിൽ. വ്യാഴാഴ്ച വൈകിട്ടോടെയാണ് ബസ്സിനുള്ളിൽ യുവതിയ്ക്ക് നേരെ അതിക്രമം ഉണ്ടായത്. ആലപ്പുഴയിൽ നിന്നും കോട്ടയത്തേക്ക് വരികയായിരുന്നു കെഎസ്ആർടിസി ബസ്സിനുള്ളിലാണ് അതിക്രമം ഉണ്ടായത്. ബസ് നാട്ടകം ഭാഗത്തെത്തിയപ്പോഴാണ് പ്രതി യുവതിയെ ശല്യം ചെയ്തത്. തുടർന്ന് ബസ് മണിപ്പുഴ ഭാഗത്ത് എത്തിയപ്പോൾ യുവതി ബഹളം വെച്ചു. ഇതോടെ യാത്രക്കാരും നാട്ടുകാരും ചേർന്ന് ബസ് തടഞ്ഞുനിർത്തി. തുടർന്ന് പ്രതിയെയുമായി ബസ് നേരെ കോട്ടയം വെസ്റ്റ് പോലീസ് സ്റ്റേഷനിലേക്ക് പോകുകയായിരുന്നു. സംഭവത്തിൽ പോലീസ് പ്രാഥമിക അന്വേഷണം ആരംഭിച്ചിട്ടുണ്ട്.
Advertisements
