കോട്ടയം : കഴിഞ്ഞ നാലുദിവസമായി കോട്ടയം നാഗമ്പടം മൈതാനത്ത് നടക്കുന്ന കോട്ടയം റബർ ടൗൺ റൗണ്ട് ടേബിൾ 121 ൻ്റെ ഫുഡ് ഫെസ്റ്റ് ഇന്ന് സമാപിക്കും. വൈകിട്ട് ആറിനു നടക്കുന്ന സമാപന സമ്മേളനം പ്രതിപക്ഷനേതാവ് വി ഡി സതീശൻ ഉദ്ഘാടനം ചെയ്യും. തിരുവഞ്ചൂർ രാധാകൃഷ്ണൻ എംഎൽഎ മുഖ്യാതിഥിയായി പങ്കെടുക്കും. ജില്ലാ പോലീസ് മേധാവി കെ കാർത്തിക്, സംവിധായകൻ ദിലീഷ് പോത്തൻ, നടൻ ജോസൂട്ടി എന്നിവർ സമാപന സമ്മേളനത്തിൽ പങ്കെടുക്കും. ഫുഡ് ഫെസ്റ്റ് ചെയർമാൻ സിറിൾ ഫ്രാൻസിസ് ഫുഡ് ഫെസ്റ്റ് കൺവീനർ വിവേക് തോമസ് എന്നിവർ പ്രസംഗിക്കും. 26 ഫുഡ് സ്റ്റാളുകളും 28 നോൺ ഫുഡ് സ്റ്റാളുകളും 12 ഓട്ടോ സ്റ്റാളുകളുമാണ് ഉള്ളത്. പരിപാടി നടക്കുന്ന അഞ്ച് ദിവസവും വൈകിട്ട് മൈതാനത്ത് കലാപരിപാടികളും അങ്ങേറും. 60000 സ്ക്വയർ ഫീറ്റ് സ്ഥലത്ത് ഫ്ളോർ ഒരുക്കിയാണ് ഫുഡ് സ്റ്റാളുകൾ ഒരുക്കിയിരിക്കുന്നത്. വൃത്തി ഉറപ്പാക്കുന്നതിന് പ്രത്യേക ക്രമീകരണങ്ങൾ ഒരുക്കിയിട്ടുണ്ട്. 1000 പേർക്ക് ഇരുന്ന് ഭക്ഷണം കഴിക്കാൻ ക്രമീകരണം ഒരുക്കിയിട്ടുണ്ട്. ഇൻഡോർ സ്റ്റേഡിയത്തിലും , നാഗമ്പടം മൈതാനത്തും പാർക്കിങ്ങിനായി ക്രമീകരണം ഒരുക്കിയിട്ടുണ്ട്. കാർണിവലിന് സമാനമായ അന്തരീക്ഷവും ഇതിൻ്റെ ഭാഗമായി ഇവിടെ ക്രമീകരിച്ചിട്ടുണ്ട്.
