കോട്ടയം: എം.സി റോഡിൽ കോടിമതയിൽ കാറും ബസും കൂട്ടിയിടിച്ച് അപകടം. ദിശ തെറ്റി എത്തയ കാർ ബസിൽ ഇടിയ്ക്കുകയായിരുന്നു. അപകടത്തെ തുടർന്ന് എംസി റോഡിൽ വൻ ഗതാഗതക്കുരുക്ക് ഉണ്ടായി. അപകടത്തിൽ ആർക്കും പരിക്കേറ്റില്ല. വ്യാഴാഴ്ച വൈകിട്ട് ഏഴരയോടെ കോടിമത നാലുവരിപ്പാതയുടെ തുടക്കത്തിൽ പെട്രോൾ പമ്പിനു മുന്നിലായിരുന്നു അപകടം. മാളികക്കടവിൽ നിന്നും നാഗമ്പടം ബസ് സ്റ്റാൻഡിലേയ്ക്കു പോകുകയായിരുന്ന ബസിൽ ദിശ തെറ്റിച്ച് എതിർ ദിശയിൽ നിന്നും എത്തിയ കാർ ഇടിയ്ക്കുകയായിരുന്നു. കാർ ഓടിച്ചിരുന്നയാൾ മദ്യലഹരിയിലായിരുന്നതായി നാട്ടുകാർ ആരോപിച്ചു. അപകടത്തെ തുടർന്ന് എംസി റോഡിൽ ഗതാഗത തടസവും ഉണ്ടായി.
Advertisements
