അയ്മനം: പരിപ്പ് കൈരളി യൂത്ത് ക്ലബ്ബിന്റെ ആഭിമുഖ്യത്തിൽ നടക്കുന്ന 9-ാമത് ‘കൈരളി മത്സര വള്ളംകളി’ നവംബർ 12ന് നടക്കും. ഒന്ന്, രണ്ട്, മൂന്ന്, നാല്, അഞ്ച്, ഏഴ്, 11 ആളുകൾ തുഴയുന്ന തറവള്ളങ്ങളും കെട്ടുവള്ളങ്ങളും മത്സരത്തിനുണ്ടാകും. മികച്ച തുഴച്ചിക്കാരൻ, കുട്ടികളുടെ വിഭാഗം എന്നിവയ്ക്കും മത്സരമുണ്ടാകും. നിരവധി ക്ലബുകളും വള്ളങ്ങളും പങ്കെടുക്കുന്ന മത്സര വള്ളംകളി, നവംമ്പർ 12ന് ഉച്ചകഴിഞ്ഞ് രണ്ടിന് മീനച്ചിലാറിൻ്റെ കൈവഴിയായ തൊള്ളായിരം തോട്ടിലാണ് നടക്കുക. വള്ളംകളിയോടനുബന്ധിച്ച് വഞ്ചിപ്പാട്ട്, അനുമോദന – സാംസ്കാരിക സമ്മേളനം എന്നിവയുമുണ്ടായിരിക്കും. വള്ളംകളിയുടെ രജിസ്ട്രേഷൻ ആരംഭിച്ചു. രജിസ്ട്രേഷൻ്റെ അവസാന തീയതി 2023 നവംബർ 11 വൈകുന്നേരം അഞ്ചുമണി വരെയാണ്. അന്നേദിവസം വൈകുന്നേരം 6ന് ട്രാക്ക് ആൻ്റ് ഹീറ്റ്സ് നിർണ്ണയം നടക്കും. മത്സരത്തിൽ പങ്കെടുക്കുവാൻ താല്പര്യമുള്ളവർക്ക് 8086812050, 7994933707 എന്നീ നമ്പരുകളിൽ ബന്ധപ്പെട്ട് രജിസ്ട്രേഷൻ നടത്താവുന്നതാണ്.
