കോട്ടയം : വൈക്കത്ത് വില്പനയ്ക്ക് സൂക്ഷിച്ച കഞ്ചാവുമായി ഉദയനാപുരം സ്വദേശി പിടിയിൽ. ഉദയനാപുരം ഇരുമ്പൂഴിക്കര കുര്യാപ്പറമ്പിൽ രതീഷ് ( തക്കാളി രതീഷ് – 37 ) ആണ് പിടിയിലായത്. ജൂലൈ മൂന്നിന് വൈകിട്ട് 5 30 മണിയോടെ ഉദയനാപുരം ഇരുമ്പുഴിക്കര റോഡിൽ എസ്എൻഡിപി ഭാഗത്ത് വച്ചാണ് ഇയാളെ പിടികൂടിയത്. സംശയകരമായി കാണപ്പെട്ട പ്രതിയെ ചോദ്യം ചെയ്യുകയും നിയമാനുസരണം ദേഹ പരിശോധന നടത്തുകയും ചെയ്യുകയായിരുന്നു.
ഇയാളുടെ കൈവശം പത്രക്കടലാസിൽ പൊതിഞ്ഞ് വിൽപ്പനയ്ക്കായി സൂക്ഷിച്ച 7.5ഗ്രാം നിരോധിത ലഹരിവസ്തുവായ കഞ്ചാവ് കണ്ടെത്തുകയായിരുന്നു. വൈക്കം പോലീസ് പ്രതിയെ അറസ്റ്റ് ചെയ്തു. സാമൂഹിക വിരുദ്ധ പ്രവർത്തനങ്ങൾ തടയൽ നിയമപ്രകാരം (കാപ്പ) ആഴ്ചയിൽ മൂന്നുദിവസം വൈക്കം സ്റ്റേഷനിൽ വൈക്കം എസ് എച്ച് ഒ മുൻപാകെ ഒപ്പിടണമെന്ന് നിർദ്ദേശം നിലനിൽക്കയാണ് ഇയാളെ നിരോധിത ലഹരി വസ്തുവായ കഞ്ചാവുമായി പിടിക്കപ്പെട്ടിട്ടുള്ളത്.