കോട്ടയം : കോട്ടയം പള്ളത്ത് സ്കട്ടറും ഇന്നോവയും കുട്ടിയിടിച്ച് ഉണ്ടായ അപകടത്തിൽ ആലപ്പുഴ സ്വദേശിയ്ക്ക് ദാരുണാന്ത്യം. ആലപ്പുഴ കുട്ടനാട് വെളിയനാട് നാൽപ്പത്തിക്കളം അലക്സ് സെബാസ്റ്റ്യൻ (43) ആണ് മരിച്ചത്. ശനിയാഴ്ച രാവിലെ ഏഴ് മണിയോടെ എം.സി റോഡിൽ പള്ളം ഭാഗത്തായിരുന്നു അപകടം. കോട്ടയം ഭാഗത്ത് നിന്നും ചിങ്ങവനം ഭാഗത്തേയ്ക്ക് പോകുകയായിരുന്ന ഇന്നോവ എതിർദിശയിൽ നിന്നും എത്തിയ സ്കൂട്ടറിൽ ഇടിയ്ക്കുകയായിരുന്നു. അപകടത്തിൽ പരിക്കേറ്റ അലക്സിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. രാവിലെ 11.30 ന് മരണം സംഭവിച്ചു.
Advertisements
