കോതമംഗലം താലൂക്ക് ആശുപത്രിക്ക് സമീപം ഹോട്ടലിൽ തീപിടിത്തം;നാലു പേർക്ക് പൊള്ളലേറ്റു

കൊച്ചി : കോതമംഗലം താലൂക്ക് ആശുപത്രിക്ക് സമീപത്തെ ഹോട്ടലിൽ തീപിടിത്തം. അപകടത്തിൽ നാല് പേർക്ക് പൊള്ളലേറ്റു.

രണ്ട് ജീവനക്കാർക്കും ഭക്ഷണം കഴിക്കാനെത്തിയ രണ്ട് പേർക്കുമാണ് പരിക്കേറ്റത്. ഇവരുടെ ആരോഗ്യനില ഗുരുതരമല്ല.

പാചകവാതകം ചോർന്നാണ് തീപിടിത്തം ഉണ്ടായത്. അഗ്നിരക്ഷാ സേനയെത്തി തീയണച്ചു.