കോട്ടയം : ഏറ്റുമാനൂർ പാറോലിയ്ക്കലിൽ നിയന്ത്രണം നഷ്ടമായ ബൈക്കുകളുടെ ഹാൻഡിലുകൾ തമ്മിൽ കൂട്ടിയിടിച്ചുണ്ടായ അപകടത്തിൽ മരിച്ചത് കാണക്കാരി സ്വദേശി. കാണക്കാരി മുഖച്ചിറയിൽ രഞ്‌ജിത്ത് (35) ആണ് അപകടത്തിൽ മരിച്ചത്. ഏറ്റുമാനൂർ – അതിരമ്പുഴ പാറോലിക്കലിലാണ് അപകടം ഉണ്ടായത്. ബൈക്കുകളുടെ ഹാൻഡിലുകൾ തമ്മിൽ കുട്ടി ഉരസി നിയന്ത്രണം നഷ്ടമായ ബൈക്ക് റോഡരികിലെ പോസ്റ്റിൽ ഇടിച്ചാണ് ദാരുണാന്ത്യം സംഭവിച്ചത്. അപകടത്തിൽപ്പെട്ട മറ്റൊരു ബൈക്കിലുണ്ടായിരുന്ന യുവാവിനെ പരിക്കുകളോടെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അതിരമ്പുഴയിൽ നിന്നും ഏറ്റുമാനൂർ ഭാഗത്തേയ്ക്ക് പോകുകയായിരുന്ന ബൈക്കുകളുടെ ഹാൻഡിലുകൾ തമ്മിൽ കുട്ടി ഉടക്കുകയായിരുന്നു. തുടർന്ന് നിയന്ത്രണം നഷ്ടമായ ബൈക്ക് പോസ്റ്റിൽ ഇടിക്കുകയായിരുന്നു. തുടർന്ന് , ഓടിക്കൂടിയ നാട്ടുകാർ ചേർന്നാണ് പരിക്കേറ്റ ആളെ ആശുപത്രിയിൽ എത്തിച്ചത്. ഹൈവേ പൊലീസ് സംഘവും സ്ഥലത്ത് എത്തിയിരുന്നു. രഞ്ജിത്തിന്റെ മൃതദേഹം മെഡിക്കൽ കോളജ് ആശുപത്രി മോർച്ചറിയിൽ.
