കോട്ടയം : കോട്ടയം മണിപ്പുഴ എംസി റോഡിൽ അമിത വേഗത്തിൽ എത്തിയ കാർ ഓട്ടോയും സ്കൂട്ടറും ഇടിച്ചുതെറിപ്പിച്ചു.ചങ്ങനാശ്ശേരിയിൽ നിന്നും ചിങ്ങവനത്തേക്ക് വരികയായിരുന്ന കാർ നിയന്ത്രണം നഷ്ടപ്പെട്ട് റോഡ് സൈഡിൽ നിർത്തിയിട്ടിരുന്ന ഓട്ടോയും സ്കൂട്ടറും ഇടിച്ചുതെറിപ്പിക്കുകയായിരുന്നു.കോട്ടയം മണിപ്പുഴയിൽ എംസി റോഡിൽ ഇന്ന് വൈകുന്നേരം ആറുമണിയോടെ ആയിരുന്നു അപകടം ഉണ്ടായത്.അമിത വേഗത്തിൽ ദിശ തെറ്റിച്ചു കയറിവന്ന കാർ റോഡിന്റെ സൈഡിൽ നിർത്തിയിട്ടിരുന്ന ഓട്ടോയിലും സ്കൂട്ടറിലും ഇടിക്കുകയായിരുന്നു.കാറിൽ നിന്നും മദ്യക്കുപ്പിയും മിക്സ്ചറും വെള്ളവും കണ്ടുകിട്ടി.
കാർ ഓടിച്ചിരുന്ന വ്യക്തി മദ്യപിച്ചിരുന്നു എന്നാണ് നാട്ടുകാർ ആരോപിക്കുന്നത്.ഇടിയുടെ ആഘാതത്തിൽ കാറിന്റെ മുൻഭാഗം പൂർണ്ണമായും തകർന്നു.അമിത വേഗത്തിൽ എത്തിയ കാർ ദിശ തെറ്റിച്ച് വന്ന് ഓട്ടോറിക്ഷയിലും സ്കൂട്ടറിലും ഇടിക്കുകയായിരുന്നു എന്നാണ് നാട്ടുകാർ ആരോപിക്കുന്നത്. അപകടമുണ്ടാകുന്ന സമയത്ത് ഓട്ടോയിലും സ്കൂട്ടറിലും ആളുകൾ ഉണ്ടാവാതിരുന്നത് വലിയ അപകടം ഒഴിവായി.അപകടത്തിൽ കാറിൽ ഉണ്ടായിരുന്ന മൂന്നു പേർക്ക് നിസ്സാര പരിക്കുകളോടെ ആശുപത്രിയിൽ പ്രവേശിപ്പിച്ചു.അപകടത്തെ തുടർന്ന് കോട്ടയം മണിപ്പുഴ എംസി റോഡിൽ വലിയ ഗതാഗതകുരുക്കും ഉണ്ടായി.ചിങ്ങവനം പോലീസ് സംഭവസ്ഥലത്ത് എത്തി മേൽ നടപടികൾ സ്വീകരിച്ചു.
