കോട്ടയം : കോട്ടയം ചങ്ങനാശ്ശേരിയില്‍ കെഎസ്ആര്‍ടിസി ബസ് ലോറിയില്‍ ഇടിച്ച് അപകടം. ബസ്സ് റോഡരുകില്‍ നിര്‍ത്തിയിട്ടിരുന്ന ലോറിയില്‍ ഇടിക്കുകയായിരുന്നു. അപകടത്തില്‍ പത്തോളം യാത്രക്കാര്‍ക്ക് പരിക്ക്. തിരുവല്ലയ്ക്ക് പോവുകയായിരുന്ന തിരുവല്ല ഡിപ്പോയിലെ ബസാണ് അപകടത്തില്‍ പെട്ടത്. വൈകുന്നേരം 3.40 ഓടെയായിരുന്നു അപകടം. ചങ്ങനാശ്ശേരി എസ്ബി കോളേജിന് മുന്നില്‍ എത്തിയപ്പോള്‍ ബസ് നിയന്ത്രണം നഷ്ടപ്പെട്ട് റോഡരുകില്‍ നിര്‍ത്തിയിട്ടിരുന്ന ലോറിയില്‍ ഇടിച്ചു കയറുകയായിരുന്നു. അപകടത്തില്‍ ബസ്സിലെ യാത്രക്കാരില്‍ പത്തോളം പേര്‍ക്ക് പരിക്കേറ്റിട്ടുണ്ട്. എല്ലാവരുടേയും തലയ്ക്കാണ് പരിക്കേറ്റിട്ടുള്ളത്. ആരുടേയും പരിക്ക് ഗുരുതരമല്ല. പരിക്കേറ്റവരെ ചങ്ങനാശ്ശേരിയിലെ താലൂക്ക് ആശുപത്രിയില്‍ പ്രവേശിപ്പിച്ചു. അപകടത്തില്‍ ബസ്സിന്റെ മുന്‍വശം ഭാഗികമായി തകര്‍ന്നു.
Advertisements
