കോട്ടയം: തിരുനക്കരയിലെ കുട്ടികളുടെ ലൈബ്രറി & ജവഹർ ബാലഭവനിൽ രണ്ടു മാസം നീളുന്ന അവധിക്കാല ക്ലാസ് ഏപ്രിൽ ഒന്നിന് ആരംഭിക്കും. രാവിലെ 10 ന് ലൈബ്രറി ഹാളിൽ മുൻ വ്യോമയാന സെക്രട്ടറിയും എയർ ഇന്ത്യാ ചെയർമാനുമായിരുന്ന ഡോ. റോയി പോൾ ഉദ്ഘാടനം ചെയ്യും. കുട്ടികളുടെ ലൈബ്രറി ചെയർമാൻ എബ്രഹാം ഇട്ടിച്ചെറിയ അദ്ധ്യക്ഷനായിരിക്കും.
എക്സികുട്ടീവ് ഡയറക്ടർ വി.ജയകുമാർ, പബ്ലിക് ലൈബ്രറി എക്സികുട്ടീവ് സെക്രട്ടറി കെ.സി. വിജയകുമാർ, കുട്ടികളുടെ ലൈബ്രറി മാനേജിംഗ് കമ്മിറ്റി അംഗങ്ങളായ ഷാജി വേങ്കടത്ത്, റബേക്ക ബേബി ഐപ്പ്, നന്ത്യാട് ബഷീർ എന്നിവർ പ്രസംഗിക്കും. കുറഞ്ഞ ഫീസിൽ വിദഗ്ദ അദ്ധ്യാപകർ നയിക്കുന്ന നൃത്ത, നൃത്തേ തര, വാദ്യോപകരണ ക്ലാസുകൾക്ക് പുറമേ കുട്ടികൾക്കായി വ്യക്തിത്വ വികസനം, നേതൃത്വപാടവം, പ്രസംഗ പരിശീലനം, കൗൺസിലിംഗ്, കരിയർ ഗയിഡൻസ് ക്ലാസുകളും ഉണ്ടായിരിക്കും. കൂടുതൽ വിവരങ്ങൾക്ക് – 7012 425859, 0481-2583004
