കോട്ടയം: നഗരസഭയുടെ വിദ്യാഭ്യാസ അവാർഡ് ദാനം അഭിനന്ദൻ 2021 തിരുവഞ്ചൂർ രാധാകൃഷ്ണൻ എം.എൽ.എ ഉദ്ഘാടനം ചെയ്തു. കോട്ടയം നഗരപരിധിയിൽ എസ്.എസ്.എൽ.സി പ്ലസ്ടു പരീക്ഷയിൽ 100 ശതമാനം വിജയം നേടിയ വിദ്യാഭ്യാസ സ്ഥാപനങ്ങളെയും എല്ലാ വിഷയങ്ങൾക്കും എപ്ലസ് നേടിയ വിദ്യാർത്ഥികളെയും അഭിനന്ദിച്ചു. സംസ്ഥാനത്തെ മികച്ച അധ്യാപകനുള്ള അവാർഡ് നേടിയ രതീഷ് ജെ.ബാബുവിനെയും ചടങ്ങിൽ ആദരിച്ചു.
നഗരസഭ അധ്യക്ഷ ബിൻസി സെബാസ്റ്റ്യൻ യോഗത്തിൽ അധ്യക്ഷത വഹിച്ചു. നഗരസഭ ഉപാധ്യക്ഷൻ ബി.ഗോപകുമാർ മുഖ്യപ്രഭാഷണം നടത്തി. നഗരസഭ വിദ്യാഭ്യാസ കലാകായിക സ്റ്റാൻഡിംങ് കമ്മിറ്റി അധ്യക്ഷൻ കെ.ശങ്കരൻ സ്വാഗതം പറഞ്ഞു. പ്രതിപക്ഷ നേതാവ് അഡ്വ.ഷീജ അനിൽ, യു.ഡി.എഫ് പാർലമെന്ററി പാർട്ടി നേതാവ് എം.പി സന്തോഷ്‌കുമാർ, ബി.ജെ.പി പാർലമെന്ററി പാർട്ടി നേതാവ് ടി.ആർ അനിൽകുമാർ, നഗരസഭ സ്റ്റാൻഡിംങ് കമ്മിറ്റി അംഗങ്ങളായ ബിന്ദു സന്തോഷ്‌കുമാർ, സിന്ധു ജയകുമാർ, എൻ.എൻ വിനോദ്, ഡോ.പി.ആർ സോന എന്നിവർ യോഗത്തിൽ പ്രസംഗിച്ചു. നഗരസഭ സെക്രട്ടറി ഇൻചാർജ് അനില അന്ന വർഗീസ് നന്ദി പറഞ്ഞു.
