ഇടപാടുകാർക്ക് മെച്ചപ്പെട്ട സേവനങ്ങൾ ഉറപ്പാക്കുക: യു. എഫ്. ബി. യു

കോട്ടയം :  യുണൈറ്റഡ് ഫോറം ഓഫ് ബാങ്ക് യൂണിയൻസിന്റെ ആഹ്വാനപ്രകാരം ജനുവരി 30,31 തീയതികളിൽ നടക്കുന്ന പണിമുടക്കി നോടനുബന്ധിച്ചുള്ള സമര പരിപാടികളുടെ ഭാഗമായ, പ്രതിഷേധ പ്രകടനം കോട്ടയം എസ് ബി ഐ ടൗൺ ബ്രാഞ്ചിനു മുൻപിൽ നടന്നു.

ബാങ്കുകളിൽ ആവശ്യത്തിന് ജീവനക്കാരെ റിക്രൂട്ട് ചെയ്ത് കസ്റ്റമർ സർവീസ്  മെച്ചപ്പെടുത്തുക,

പഞ്ച ദിന ബാങ്കിംഗ് നടപ്പാക്കുക, എൻ.പി.എസ് പിൻവലിക്കുക,പെൻഷൻ അപ്ഡേറ്റ് ചെയ്യുക, പന്ത്രണ്ടാം ഉഭയകക്ഷി കരാർ ക്യാരക്ടർ ഓഫ് ഡിമാൻഡിനുമേൽ ചർച്ചകൾ ഉടൻ ആരംഭിക്കുക, റസിഡൻഷ്യൽ ഇഷ്യു എത്രയും പെട്ടെന്ന് പരിഹരിക്കുക തുടങ്ങിയ ആവശ്യങ്ങൾ  ഉന്നയിച്ചാണ് ധർണ  നടത്തിയത്. 

യൂ എഫ് ബി യു വിൻ്റെ ആഭിമുഖ്യത്തിൽ നടത്തിയ  പ്രതിഷേധ ധർണ്ണ, എ.കെ.ബി. ഇ.എഫ് ജില്ലാ ചെയർമാൻ  സന്തോഷ് സെബാസ്റ്റ്യൻ ഉദ്ഘാടനം ചെയ്തു. യു.എഫ് ബി യു ജില്ലാ കൺവീനർ  ജോർജി ഫിലിപ്പ്, എസ്.ഹരിശങ്കർ(എ ഐ ബി ഇ എ  ), കിരൺ മോഹൻ(എൻ.സി.ബി. ഇ ), തിങ്കൾ സലിം(എ.ഐ.ബി.ഒ.സി), കെ.കെ  ബിനു(ബി ഇ എഫ് ഐ) , എന്നിവർ ധർണ്ണയെ അഭിസംബോധന ചെയ്തു.