കോട്ടയം: കിടങ്ങൂരിൽ സഹോദരിയെ ശല്യം ചെയ്തതു ചോദ്യം ചെയ്ത യുവാവിനെ ആക്രമിച്ചു പരിക്കേൽപ്പിച്ച കേസിൽ മൂന്നംഗ സംഘം അറസ്റ്റിൽ. കിടങ്ങൂർ ഉത്തമേശ്വരം ഭാഗം ഓള്ളൂർതുരുത്തേൽ വീട്ടിൽ നോഹൽ (21), കിടങ്ങൂർ ചെമ്പിളാവ് നെടുമങ്ങാട്ട് വീട്ടിൽ അതുൽ റെജി (21), സഹോദരൻ ആനന്ദ് റജി (19) എന്നിവരെയാണ് കിടങ്ങൂർ സ്റ്റേഷൻ ഹൗസ് ഓഫിസർ ഇൻസ്‌പെക്ടർ കിടങ്ങൂർ സ്റ്റേഷൻ ഹൗസ് ഓഫിസർ ഇൻസ്‌പെക്ടർ ബിജു കെ ആർ അറസ്റ്റ് ചെയ്തത്.
കഴിഞ്ഞ 12 നായിരുന്നു കേസിനാസ്പദമായ സംഭവം.
കിടങ്ങൂർ തീർത്ഥം പ്രസ്സ് റോഡ് ഭാഗത്ത് താമസിക്കുന്ന ഒരു പെൺകുട്ടിയെ രണ്ടാം പ്രതിയായ നോഹൽ ശല്യം ചെയ്യുകയായിരുന്നു. ഇത് പെൺകുട്ടിയുടെ സഹോദരൻ ചോദ്യം ചെയ്തു. ഇതേച്ചൊല്ലിയുണ്ടായ തർക്കത്തെ തുടർന്നു പെൺകുട്ടിയുടെ സഹോദരൻ അജിത്ത്കുമാറിനെ പ്രതികൾ ആക്രമിച്ചു. ഇത് ചോദ്യം ചെയ്ത കിടങ്ങൂർ വണ്ടാമറ്റത്തിൽ വീട്ടിൽ ആദർശ് കുമാറിനെ പ്രതികൾ കുത്തിപരിക്കേൽപ്പിക്കുകയായിരുന്നു. പ്രതികളുടെ പേരിൽ നരഹത്യ ശ്രമത്തിന് കിടങ്ങൂർ പോലീസ് കേസ് റെജിസ്റ്റർ ചെയ്തു. തുടർന്നു എസ്‌ഐ കുരിയൻ മാത്യൂ , സീനിയർ സിവിൽ പൊലീസ് ഓഫിസർ സുനിൽകുമാർ സിവിൽ പൊലീസ് ഓഫിസർ ഗീഗോറിയസ് എന്നിവർ ചേർന്ന് പ്രതിയെ അറസ്റ്റ് ചെയ്തു. ഏറ്റുമാനൂർ കോടതിയിൽ ഹാജരാക്കി.
