കോട്ടയം : കിടങ്ങൂരിൽ മീനച്ചിലാറ്റിൽ ഒഴുക്കിൽപ്പെട്ട് കാണാതായ യുവാവിന്റെ മൃതദേഹം കണ്ടെത്തി.ഇന്നലെ വൈകുന്നേരം കിടങ്ങൂരിൽ മീനച്ചിലാറ്റിൽ കാണാതായ യുവാവിന്റെ മൃതദേഹം കണ്ടെടുത്തു. കിടങ്ങൂർ ചെക്ക് ഡാമിൽ കുളിക്കുന്നതിനിടെയാണ് യുവാവിനെ കാണാതായത്. പാമ്പാടി വെള്ളൂർ എട്ടാം മൈൽ സ്വദേശി ജസ്വിനാണ് സൃഹൃത്തിനൊപ്പം കുളിക്കുന്നതിനിടയിൽ ഒഴുക്കിൽപ്പെട്ടത്. സുഹൃത്ത് ആരോമൽ രക്ഷിക്കാൻ ശ്രമിച്ചെങ്കിലും നടന്നില്ല.
കിടങ്ങൂരിൽ പുതിയതായി നിർമ്മിച്ച ചെക്ക് ഡാമിൽ നീന്തുന്നതിനിടയിൽ പാമ്പിനെ കണ്ടതിനെ തുടർന്ന് പേടിച്ച് ഒഴുക്കിൽ പെടുകയായിരുന്നു. പ്രദേശത്ത് അപകട സാധ്യത നിലനിൽക്കുന്നതിനാൽ പ്രദേശവാസികളാരും തന്നെ ഇവിടെ ഇറങ്ങാറില്ലായിരുന്നു. കിടങ്ങൂർ പോലീസും പാലായിൽ നിന്നും ഫയർഫോഴ്സും ഈരാറ്റുപേട്ടയിൽ നിന്നും ടീം എമർജൻസിയും, ടീം നന്മക്കൂട്ടവുമാണ് തിരച്ചിൽ നടത്തിയത്. ഇന്നലെ രാത്രി 7 മണി വരെ തിരച്ചിൽ നടത്തിയെങ്കിലും കണ്ടെത്താനായിരുന്നില്ല. ഇതേത്തുടർന്ന് ഇന്ന് വീണ്ടും നടത്തിയ തിരച്ചിലിലാണ് മൃതദേഹം കണ്ടെത്തിയത്.
