കുമ്മനം : കണ്ണഞ്ചിപ്പിക്കുന്ന ദീപാലങ്കാര കാഴ്ചകളുടെ വിസ്മയലോകം സൃഷ്ടിച്ച് കൊണ്ട് കുമ്മനം പുഴയോരം ഹെറിറ്റേജ് ഫെസ്റ്റ് 2023 ന് നാളെ തിരി തെളിയുന്നു. കോട്ടയം മീനച്ചിലാറ്റിലെ വള്ളംകളിയുടെ ആർപ്പുവിളിക്കൊപ്പമാണ് കുമ്മനം കൾച്ചറൽ സൊസൈറ്റിയുടെ ആഭിമുഖ്യത്തിൽ കുമ്മനം പുഴയോരം ഹെറിറ്റേജ് ഫെസ്റ്റ് 2023 അരങ്ങേറുന്നത്. നാളെ മുതൽ മൂന്ന് ദിവസങ്ങളിലായാണ് ഫെസ്റ്റ് നടക്കുക.
നാളെ വൈകിട്ട് 6 മണിക്ക് മന്ത്രി വി എൻ വാസവൻ ഉദ്ഘാടനം ചെയ്യും. മന്ത്രിമാർ സാമൂഹിക സാംസ്കാരിക രംഗത്തെ പ്രമുഖർ പങ്കെടുക്കുന്നു. ആറാം തീയതി വെള്ളിയാഴ്ച്ച ഉച്ചയ്ക്ക് രണ്ടു മണി മുതൽ കുമ്മനം കുളപ്പുരക്കടവിൽ നാട്ടു ചന്ത പച്ചക്കറി മത്സ്യം മാംസം ഗൃഹോപകരണങ്ങൾ എല്ലാം വമ്പിച്ച വിലക്കുറവിൽ നിങ്ങൾക്ക് സ്വന്തമാക്കാൻ ഒരു സുവർണ്ണാവസരം. ദീപാലങ്കാരക്കാഴ്ചകൾ ഇന്ന് വൈകിട്ട് 7 മണി മുതൽ ഏവർക്കും ആസ്വദിക്കാൻ അവസരമുണ്ട്.
