കോട്ടയം : കുമരകം കൈപ്പുഴമുട്ട് പാലത്തിനു സമീപം കാറുകൾ കൂട്ടിയിടിച്ച് ഒരാൾ മരിച്ചു. ശ്രീകലയാണ് (59)മരിച്ചത്. ചേർത്തല ഭാഗത്തു നിന്നും വന്ന സ്കോർപിയോ കാർ മറ്റൊരു വാഹനത്തിനെ ഓവർടേക്ക് ചെയ്യുന്നതിനിടെ എതിരെ കോട്ടയം ഭാഗത്തു നിന്നും വന്ന ടയോട്ട കാറുമായി ഇടിക്കുകയായിരുന്നു.
വൈകുന്നേരം ആറുമണിയോടെയായിരുന്നു അപകടം. സ്കോർപിയോയിൽ സഞ്ചരിച്ചത് കങ്ങഴ സ്വദേശികളും കാറിൽ സഞ്ചരിച്ചത് വൈക്കം സ്വദേശിയായ ഡോക്ടർ ആണെന്ന് ദൃക്സാക്ഷികൾ പറഞ്ഞു .മരിച്ച ശ്രീകല പരിയാരം മെഡിക്കൽ കോളേജിലെ ഡോ. നിഖിലിൻ്റ മാതാവാണ്. അപകടത്തിൽ വേറെ 5 പേർക്കു കൂടി പരിക്കേറ്റു. സന്ദീപ് (46), സോന (36) ,അലീഷ (12), ശ്രീകുമാർ (43), നിഖിൽ (29) എന്നിവർക്കാണ് പരിക്കേറ്റത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സന്ദീപിൻ്റെ മുഖത്തിനും ,സോനയുടെ തലയ്ക്കും അലീഷയുടെ നെറ്റിയ്ക്കും , ശ്രീകുമാറിൻ്റെ മുഖത്തിനും ,നിഖിലിൻ്റ ഇടതുകാൽമുട്ടിനുമാണ് പരിക്ക്. അപകടത്തിൽപ്പെട്ടവരെ സമീപവാസികൾ ഉടൻ തന്നെ മെഡിക്കൽ കോളേജ് ആശുപത്രിയിലെത്തിച്ചു.
