കുറുപ്പന്തറ : കൂട്ടുകാരുമൊത്ത് റെയിൽവേ ട്രാക്കിലൂടെ നടന്നു പോകുകയായിരുന്ന യുവാവ് ട്രെയിൽ തട്ടി മരിച്ചു. ഇരവിമംഗലം ലക്ഷം വീട് കോളനി കാരുവേലി പറമ്പിൽ അഭിജിത് (28) ആണ് മരിച്ചത്. ശനിയാഴ്ച വൈകിട്ട് 7 ഓടെ കുറുപ്പന്തറയ്ക്കും കടുത്തുരുത്തിയ്ക്കും ഇടയിലുള്ള മള്ളിയൂർ റോഡിലെ ഓവർ ബ്രിഡ്ജിന് സമീപമാണ് അപകടം.
Advertisements
കൂട്ടുകാരുമൊത്ത് ഇരവിമംഗലത്ത് നിന്ന് ട്രാക്കിലൂടെ കുറുപ്പന്തറ ഭാഗത്തേക്ക് പോകുന്നതിനിടയിൽ അഭിജിത്തിനെ ട്രെയിൻ തട്ടുകയായിരുന്നു. ഗുരുതരമായി പരിക്കേറ്റ അഭിജിത്തിനെ കടുത്തുരുത്തി പോലീസും, ഫയർ ഫോഴ്സും ചേർന്ന് കോട്ടയം മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: അശ്വതി. മകൻ: അഭിലാഷ്. അച്ഛൻ : ബേബി. അമ്മ: മിനി. സഹോദരി: അഞ്ജു.
