കോട്ടയം: നഗരസഭയുടെ 31 ആം വാർഡിൽ മൂലവട്ടം പ്രദേശത്ത് വെള്ളമില്ലാതായിട്ട് ദിവസങ്ങൾ. കഴിഞ്ഞ 11 ദിവസമായി പ്രദേശത്ത് വെള്ളമെത്തിയിട്ടില്ലെന്നാണ് നാട്ടുകാരുടെ പരാതി. മൂലവട്ടം, മാടമ്പുകാട്, വൈഎംഎ പ്രദേശത്തെ നാട്ടുകാരാണ് കുടിവെള്ളമില്ലാതെ ദിവസങ്ങളോളമായി വലയുന്നത്. പ്രദേശത്തേയ്ക്ക് വെള്ളം എത്തിക്കുന്ന വാട്ടർ അതോറിറ്റിയുടെ ഓവർഹെഡ് ടാങ്കിൽ വെള്ളം എത്തുന്നില്ലെന്നാണ് വാട്ടർ അതോറിറ്റി പറയുന്ന ന്യായം. ഈ പ്രദേശത്തെ നൂറോളം കുടുംബങ്ങളാണ് വാട്ടർ അതോറിറ്റി പൈപ്പ് വഴി നൽകുന്ന വെള്ളത്തെ ആശ്രയിക്കുന്നത്. ഇത്തരത്തിൽ നിരവധി ആളുകളാണ് ഈ വെള്ളത്തെ ആശ്രയിച്ചു നിൽക്കുന്നത്. ഇത് സാധാരണക്കാരായ കുടുംബങ്ങളെ ഏറെ ബുദ്ധിമുട്ടിലേയ്ക്കു നയിക്കുന്നുണ്ട്്. ഈ സാഹചര്യത്തിൽ അടിയന്തരമായി വിഷയത്തിൽ അധികൃതർ ഇടപെട്ട് സാധാരണക്കാരായ ആളുകളുടെ ബുദ്ധിമുട്ട് പരിഹരിക്കണമെന്ന് ആവശ്യം ഉയരുന്നുണ്ട്.
