ചിങ്ങവനം: കോട്ടയം നഗരസഭ 38 ആം വാർഡ് പുത്തൻപാലത്തെ തിരഞ്ഞെടുപ്പാവേശം കലാശക്കൊട്ടോടെ വർണ്ണാഭമായി. ചിങ്ങവനം പുത്തൻപാലത്ത് നടന്ന ഉപതിരഞ്ഞെടുപ്പിന്റെ പരസ്യപ്രചാരണത്തിന്റെ സമാപനം അക്ഷരാർത്ഥത്തിൽ യുഡിഎഫ് ക്യാമ്പുകളിൽ ആവേശം ജനിപ്പിക്കുന്നതായി. യുഡിഎഫ് സ്ഥാനാർത്ഥി സൂസൻ കെ.സേവ്യറിന്റെ വിജയം ഉറപ്പിക്കുന്നതിനായി കൈമെയ് മറന്നു പോരാടിയ യുഡിഎഫ് കോൺഗ്രസ് പ്രവർത്തകർ ഒറ്റക്കെട്ടായി രംഗത്തിറങ്ങുകയായിരുന്നു.
ദിവസങ്ങളോളം തിരഞ്ഞെടുപ്പ് പ്രചാരണ രംഗത്ത് സജീവമായി യുഡിഎഫ് നേതാക്കളുണ്ടായിരുന്നു. ഇതിന്റെ ഭാഗമായാണ് കലാശക്കൊട്ട് നടന്നത്. കലാശക്കൊട്ടിന്റെ ഭാഗമായി ആഘോഷത്തോടെയാണ് തിരഞ്ഞെടുപ്പ് പ്രചാരണം സംഘടിപ്പിച്ചത്. യുഡിഎഫിന്റെ സമുന്നതരായ നേതാക്കൾ തന്നെ പ്രചാരണ രംഗം കൊഴുപ്പിക്കുന്നതിനായി എത്തിയിരുന്നു. കലാശക്കൊട്ടിൽ കേരളാ കോൺഗ്രസ് നേതാവ്, പി.സി തോമസ്, വി ജെ.ലാലി, ഡിസിസി പ്രസിഡന്റ് നാട്ടകം സുരേഷ്, അഡ്വ.സിമ്പിചേനപ്പാടി, സിബി ജോൺ, ടരാജീവ്, അനീഷ് വരമ്പിനകം, തങ്കച്ചൻ വേഴക്കാട്, എന്നിവർ പങ്കെടുത്തു.
