കോട്ടയം : ബസേലിയസ് കോളജ് അൽ എത്തിഹാദുമായി സഹകരിച്ച് നടത്തുന്ന സൺഡേ ഫുട്ബോൾ ലീഗിന് നാളെ തുടക്കം കുറിക്കും.അണ്ടർ 13, അണ്ടർ 15 കാറ്റഗറിയിലായി കോട്ടയം ജില്ലയിലെ 16 ടീമുകൾ സൺഡേ ഫുട്ബോൾ ലീഗിൽ പങ്കെടുക്കുന്നു. എല്ലാ ഞായറാഴ്ചകളിലും ബസേലിയസ് കോളജിലെ ഫ്ലഡ് ലിറ്റ് സ്റ്റേഡിയത്തിലാണ് മത്സരങ്ങൾ നടക്കുക. നാളെ നടക്കുന്ന മത്സരത്തിൽ അണ്ടർ 13 വിഭാഗത്തിൽ സി എഫ് സി ചങ്ങനാശ്ശേരി പുതുപ്പള്ളി ഡോൺ ബോസ്കോയുമായും (വൈകുന്നേരം 6 മണിക്ക്) അണ്ടർ 15 വിഭാഗത്തിൽ സി എം എസ് സ്കൂൾ കോട്ടയം അൽ എത്തിഹാദുമായും (രാത്രി 7.00 മണിക്ക്) കോളജിലെ ഫ്ലഡ് ലിറ്റ് സ്റ്റേഡിയത്തിൽ ഏറ്റുമുട്ടും.
Advertisements
