താഴ്ത്തങ്ങാടി : 123 മത് കോട്ടയം താഴ്ത്തങ്ങാടി മത്സരവള്ളംകളി നവംബർ 16 ശനിയാഴ്ച താഴത്തങ്ങാടി ആറ്റിൽ നടക്കും. ചാമ്പ്യൻസ് ബോട്ട് ലീഗ് മൽസരങ്ങളുടെ ഓദ്യോഗിക അറിയിപ്പ് സർക്കാരിൽ നിന്നും ലഭിച്ചതിനെ തുടർന്നാണ് കോട്ടയം മൽസരവള്ളംകളി 16 ന് നടത്തുവാൻ തീരുമാനമായത് നെഹ്റു ട്രോഫി മൽസരത്തിൽ ആദ്യസ്ഥാനങ്ങളിൽ എത്തിയ 9ചുണ്ടൻ വള്ളങ്ങളും 30 ൽ പരം ചെറുവള്ളങ്ങളേയും ഉൾപ്പെടുത്തിയായിരിക്കും വള്ളംകളി സംഘടിപ്പിക്കുന്നത്. ചെറുവള്ളങ്ങളുടെ രജിസ്ട്രേഷൻ ഇന്നു മുതൽ പുനരാരംഭിക്കും രജിട്രേഷൻ 10ന് 4 മണിക്ക് അവസാനിക്കും ചാമ്പ്യൻസ് ബോട്ട് ലീഗിൻ്റെ ഉദ്ഘാടന വേദി താഴ്ത്തങ്ങാടി ആയതിനാൽ വിപുലമായ ഒരുക്കങ്ങളാണ് ക്രമീകരിക്കുന്നതെന്ന് സംഘാടകരായ കോട്ടയം വെസ്റ്റ് ക്ലബ്ബ് ഭാരവാഹികൾ അറിയിച്ചു. വള്ളംകളിയോടനുബന്ധിച്ച് തലേ ദിവസം വെള്ളിയാഴ്ച വഞ്ചിപ്പാട്ട് മത്സരം സംഘടിപ്പിക്കും വള്ളംകളിയോടനുബന്ധിച്ച് സ്മരണിക പ്രകാശനം ചെയ്യും.വിവരങ്ങൾക്ക് ഫോൺ: 9447888156, 9447052184,9605323272
